Éxodo 12:43 - La'aqtaqa Ñim Lo'onatac 'Enauacna 2013

⁴³ Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Éxodo 12:43 Referans Kwoze

Éxodo 12:48

Qaq que'eca shiỹaxaua maye chegaqauec, camaye da nshetaique da dequi'iỹapegueuo da ỹo'oxoren Ñim Nataxala', qaq no'on da qaỹa'auaxaañi da qaỹauo'o ca na'anaxat na lo'oc 'enauac ca llalaqpi ỹalleppi. Qaq da ime, nache camaye ishet da dequi'iỹapegueuo. Cha'aye camaye 'eeta'am ca maiche lañoqo' que'eca 'alhua. Qalaxaye que'eca qaica ca na'anaxat, saishet da chec que'eca qagueta llalec.

Números 9:14

Qataq ca chegaqauecpi maye qami' netaiguilo, camayepi nataqa'en ỹo'ot qome ca Lapascua da Aỹem ỹo'oxoren, qalaxaye ipacchiguilo naua lapaqtrañi lataxaco. Qaq de'era qalapaqtañi lataxac damaye ipacchigui da ỹo'ot qome ca chegaqauecpi qataq ca maiche lañoqo' ne'ena 'alhua.»

Éxodo 12:11

Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.

Levítico 22:10

Qaica qome ca shiỹaxaua maye saq chegoxoguet na ntaxaỹaxanaxanecpi da chec ca laỹe aca nachetaqtaxanaqte maye qoỹaneuo. Qataq ca choche namaxasoxoic ca ntaxaỹaxanaxanec, qataq ca lo'onataxanaxanec camaye saishet da chec ca laỹolec acamaye.

1 Samuel 2:27

So ỹale maye la'aqtaxanaxanec Ñim Lo'onatac 'Enauacna nqo'ona so Elí, nache 'enapega, 'eeta': «Da la'aqtac Ñim Nataxala', 'eeta': 'Am 'auaỹateeta da Aỹem ỹoqta ñachaxana som hua'au 'arhuo', co'ollaq hueta'a ye Egipto da choche ỹo'onataxanaxaatac so faraón.

2 Crónicas 30:18

Cha'aye ỹataqta qalota som shiỹaxauapi lma' ye Efraín, Manasés, Isacar qataq Zabulón, som ỹalectaua'a so nquia'axac maye huaigui so Lapascua, qalaxaye saishet da ipactelec da nanettañi lataxac, cha'aye saishet da nqui'itaxat. Qalaxaye so Ezequías, natameelec somayepi, 'eeta': «'Am Nataxala', maye 'am choxonnataxanaxaic, 'auchoxoren qome nam ỹataqta huesota da lquiyaqteỹaxac maye 'am nmittaique,

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›

Levítico 22:13

Qalaxaye da pa'ai, huo'otaq qaỹalat, qataq qaica ca llalaqpi acamaye, qataq da ỹe'eguelaxa ca lma' ca lta'a, nache 'eeta'am da ñaq lamaxai, nache acamaye ishet da chec ca aloq ca lta'a. Qalaxaye ca shiỹaxaua maye saq chegoxoguet na ntaxaỹaxanaxanecpi, nache saishet qome da chec que'eca nallec.