Éxodo 12:37 - La'aqtaqa Ñim Lo'onatac 'Enauacna 2013

³⁷ Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Éxodo 12:37 Referans Kwoze

Números 1:46

somayepi da ima'a't, nache ivi' saiscientos tres mil quinientos cincuenta ye lcata.

Éxodo 38:26

Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.

Números 33:5

Nache so Israel le'ecpi co'ollaq jec, nache chegoqchiguiña ye Ramesés, qaq co'ollaq ivita ye Sucot, nache hua'a yemaye.

Números 33:3

Co'ollaq jec, nache chegoqchiguiña ye Ramesés, so na'a'q quince so la'auaxanec ca'agoxoic se'eso vi'i, co'ollaq mashe inoxonec so na'a'q maye laloxoqui so Lapascua. Nache lỹatec da lta'araic la'añaxac ỹauaachigui 'enauac so Egipto le'ecpi,

Números 11:21

Nache so Moisés 'eeta': Aỹem salectaigui ne'ena seiscientos mil shiỹaxauapi, ¿qaq 'am qonapec da 'oonolec ca'agoxoic da 'aỹa'aata'am da chectac ca lapat namayepi?

Génesis 47:11

Nache so José ỹanem somayepi som ỹataqta no'on 'alhua ye Egipto, da yaqto' nalec, nache ipacchigui da la'aqtac so faraón. Qaq 'era da 'eetec da so lta'a somaye, qataq so lqaỹañecpi da huo'o so na'alhua maye huaigui yem 'alhua Ramesés.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Números 26:51

Qaq da ima'a't so nereguishecpi Israel le'ecpi, nache ivi' seiscientos un mil setecientos treinta ỹalleppi.

Números 2:32

Qaq 'eso so Israel le'ecpi, maye ñiyiguishecpi co'ollaxa, qataq ỹataqtac so maiche chegoxoguet lta'alpi. Maye netaña se'eso npe'lpi, ivi' seiscientos tres mil quinientos cincuenta ỹalleppi.

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Génesis 15:5

Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta': «Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Éxodo 10:9

Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 13:20

Qaq so Israel le'ecpi co'ollaq ca'ai ye Sucot, nache qaltaq hua'a ye Etam, yem chegoqchiguiña ye toolec 'alhua.

Números 1:2

«Qauo'oche qome ca naneraguec na Israel le'ecpi, nache qa'aiyiiuo na le'enaxatpi 'enauac na shiỹaxauapi maye huo'o na maiche lalamaxat llalaqpi, qataq na maiche nalamaxat nhuo' le'ecpi. Nache qa'aiyiñi na le'enaxat ñi 'oonolec na ỹalleppi,