Éxodo 12:36 - La'aqtaqa Ñim Lo'onatac 'Enauacna 2013

³⁶ Nache Ñim Nataxala' ỹo'otec so Egipto le'ecpi da ỹanem 'enauac nam iỹaxanaique so Israel le'ecpi. Qaq 'era da 'eetec co'ollaxa so Israel le'ecpi da ỹataqta nhuotta so Egipto le'ecpi.

Éxodo 12:36 Referans Kwoze

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Daniel 1:9

Qaq Ñim Lo'onatac 'Enauacna, ỹo'ot co'ollaxa da som ilotague' so nma' lta'araic, ỹataqta ỹamaateguet so Daniel,

Salmos 105:37

Ñim Lo'onatac 'Enauacna nqatec co'ollaxa so lalamaxat nhuo' le'ecpi, lỹatec naqa'en so qalota oro qataq plata, nache qaica ca nqanaxattac somayepi.

Éxodo 11:3

Nache Ñim Nataxala' ỹanem da so Egipto le'ecpi ỹataqta huo'o da lqouagaxa so Israel le'ecpi. Nataqa'en so ltauapi so faraón ỹataqta sa latetapec so Moisés, 'eeta'am naqa'en ca ỹale maye huo'o naq 'enec, nache 'eeta'am nataqa'en da lhuennataxac 'enauac so Egipto le'ecpi.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Hechos 2:47

Nache qaỹo'oxoreetac Ñim Lo'onatac 'Enauacna, nache 'enauac na shiỹaxauapi ỹataqta huo'o naq 'ene'c naqa'e'n soua namaxa'she. Nache Som Qarataxala', 'enauaque naua na'axa'te da nqochenaxattauec na 'amqaanataxanaxaicpi maye nca'alaxatec.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Éxodo 11:2

Qalaxaye nagui qonapega na Israel le'ecpi nam ỹalleppi qataq na 'alpi, da iỹaxanot na lauoreuapi ỹalleppi huo'otaq na 'alpi da iỹaxanaique na nogoxoshet maye chegaqaigui na lcat plata qataq oro.»

Esdras 1:6

Nache 'enauac so lauoreuapi somayepi itaunec so lcat plata, oro, nogoxoshetpi, 'atetpi qataq so no'on nogoxoshetpi, nataqa'en aso qalota ỹotta'a't nachetaqtaxanaqtepi maye maiche chegoqchigui ñi 'oonolec somayepi da ỹaneuo.