Éxodo 12:33 - La'aqtaqa Ñim Lo'onatac 'Enauacna 2013

³³ Nache so Egipto le'ecpi ỹataqta iỹalaqchet so Israel le'ecpi da sanaỹaloxon da ca'ai naqa'en yi'iye 'alhua, cha'aye tatapigui lauel da 'enauac nmichiguiñi da ileu.

Éxodo 12:33 Referans Kwoze

Salmos 105:38

Nache so Egipto le'ecpi ỹataqta ntootapeguec da ỹauaateueegue da jec somayepi, cha'aye ỹataqta ñi'iỹa somayepi.

Éxodo 11:1

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Génesis 20:3

Qalaxaye se'eso pe so Abimelec huo'o so lchoxonaxac maye huaigui co'ollaxa da Ñim Lo'onatac 'Enauacna 'enapega, 'eeta': «'Am 'aleu qome, cha'aye añi 'alo maye 'auaconeua'a da huotaique 'arhua, añimaye huo'o ñi lhua.»

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Éxodo 10:7

Nache so ltauapi so faraón, 'enapeco': «¿Chaq laguio', qaq ỹaxaañi da qomi' sa ỹalemaxa't se'esoua ỹale't? No'on taxa da 'aua'aqta'a da jec yi'iye shiỹaxauapi, da yaqto' natamnot cam Lataxala' maye Natamnaxala'. ¡Peta'a saisheto' da 'auanoma da mashe nlatañi na Egipto!»

Éxodo 12:39

Qaq souaxat da qaica ca ldaqa' da ỹaqataxanai' ca aloq somayepi, cha'aye so Egipto le'ecpi ỹataqta ỹo'orauec da ca'ai naqa'en yi'iye 'alhua, nache ỹo'ot aso lauole na ndaqñiguishec 'ayiiña maye qaca aca lalecte maye ỹasheeraxachigui ỹachegoxotta'a ye Egipto.

Isaías 52:12

Qalaxaye saishet da qaỹalleetapigui' da qoquiỹa'ai namaye, qataq saishet da qauataiuec, cha'aye Ñim Nataxala' maye Natamnaxala' na Israel le'ecpi qami' mpaxattaleguete qome.

Daniel 3:22

Qaq som nta'a, ye damaxasoxoolec co'ollaxa da saqaỹaỹaloxon da qaipacchigui dam la'aqtac, qaq aso nqatelaxanaxaqui ye ỹataqta lta'araic na le'eraxa, nache iviraugalo da ỹavi'c nache ileu' soua ale't maye ỹasaxareua'q soua tres nsoxorolqa,