Éxodo 12:31 - La'aqtaqa Ñim Lo'onatac 'Enauacna 2013

³¹ Nache so faraón damaxasoxoneuga so Moisés qataq so Aarón, qaq nacheso se'eso pe da 'enapegalo, 'eeta': «Qauesomiỹa qome, qoqui, qoquiỹa'ai na ihuo' le'ecpi, qami' qataq 'enauac na Israel le'ecpi. Qanqo'oñiỹa da qanatamñiỹot cam Nataxala', qauo'oche qome dam qauquiquiitegueua'a.

Éxodo 12:31 Referans Kwoze

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Salmos 105:38

Nache so Egipto le'ecpi ỹataqta ntootapeguec da ỹauaateueegue da jec somayepi, cha'aye ỹataqta ñi'iỹa somayepi.

Éxodo 10:9

Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 11:8

Huaña qome, nache aỹem naỹa 'enauac ne'ena 'artauapi, nache ỹa'alyiñi naua l-llecte da aỹem iỹaxanot, 'eeta': Qoqui qome, 'am qataq 'enauac nam shiỹaxauapi maye 'am quetague', huaña qome nache ishet da ashec.» Nache ỹataqta dalemata so Moisés co'ollaq ca'ai so faraón.

Éxodo 10:29

Nache so Moisés 'enapeco': «Aja', ỹaỹamaqchiguiñi da 'ara'aqtac. Nagui nache tachiguiña da sa 'am ñauane'.»

Éxodo 8:25

Nache so faraón damaxasoxoneuga so Moisés qataq so Aarón. Nache 'enapegalo', 'eeta': «Qauesomiỹa qome, qauavigaxache aca qarachetaqtaxanaqche. Ime, qaq qaỹa'añiỹot Ñim Qanatamnaxala'ai, qalaxaye nache qoñiita'a ne'ena 'alhua.»

Éxodo 11:1

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Éxodo 12:39

Qaq souaxat da qaica ca ldaqa' da ỹaqataxanai' ca aloq somayepi, cha'aye so Egipto le'ecpi ỹataqta ỹo'orauec da ca'ai naqa'en yi'iye 'alhua, nache ỹo'ot aso lauole na ndaqñiguishec 'ayiiña maye qaca aca lalecte maye ỹasheeraxachigui ỹachegoxotta'a ye Egipto.

1 Samuel 6:6

¿Ta'ainco' da qauacoñiỹa da qami' qaramchiguilo, da qoñiita'am da lataxac som egipciopi, qataq so faraón, maye Ñim Natamnaxala' ye Israel le'ecpi irolec co'ollaxa da sansatta lhuaxanaxanaxac, da yaqto' ỹasheetec da jec ye Israel le'ecpi?