Éxodo 12:27 - La'aqtaqa Ñim Lo'onatac 'Enauacna 2013

²⁷ Nache qami' qoñiita' qome: Ñi'iñi shiguiỹac maye qaỹalauat da qanallec naigui da qaỹo'oxoren Ñim Nataxala'. Cha'aye Ñimaye co'ollaq ỹalauat so Egipto le'ecpi, nache napactaleguete naua lma'ate so Israel le'ecpi maye netaña ye Egipto, qaq 'era da 'eetec co'ollaq nca'alaxatec na qoyalaqpi.» Nache na Israel le'ecpi ỹa'alyiñi co'ollaxa naua l-llecte da yo'oxonnataxan.

Éxodo 12:27 Referans Kwoze

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Éxodo 12:11

Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.

1 Corintios 5:7

Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

Éxodo 12:23

Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'.

Nehemías 8:6

Huaña nache so Esdras, ỹanot da llo'oxonnataxanaxac Ñim Lo'onatac 'Enauacna maye Qaica ca Ỹaqalanapec, qaq 'enauac somayepi ỹachaxaashegue'm naua lhuaxaye, ime nache 'enapec: «¡Aja', nache 'eetec, aja' nache, 'eetec!» Ime, nache 'enauac somayepi da ỹa'alyiñi naua l-llecte, nache iviraxata'aguet na latap na 'alhua, nache ỹo'oxoren Ñim Nataxala'.

2 Crónicas 29:30

Ime nache so nta'a Ezequías, qataq so nataxala'pi, ỹamaxalec so leviitapi da ỹo'oxoren Ñim Nataxala', ỹo'on so no'onecpi maye lo'onecpi so David, qataq so na'aqtaxanaxanec Asaf. Nache som leviitapi ỹataqta machiguiñi da do'onaxan, nache nataqa'en ỹa'alyiñi naua l-llectel da ỹo'ot da llo'oxonnataxanaxac.

2 Crónicas 20:18

Nache so Josafat, qataq 'enauac so shiỹaxauapi maye lma' ye Judá, qataq ye Jerusalén, ỹa'alyiñi naua l-llecte, nache ivira'aguet naqa'en na latap na 'alhua, da ỹo'oxoren Ñim Nataxala'.

1 Crónicas 29:20

Qaq co'ollaq ime, nache so David detaxaigui se'eso laỹoota'a't shiỹaxauapi, 'eeta': «Nagui, qavio'oxoreñi Ñim Nataxala' maye Qanatamnaxala'ai». Huaña, nache 'enauac se'eso laỹoota'a't shiỹaxauapi ỹo'oxoren Ñim Nataxala', maye Natamnaxala' soua hua'au' lta'al, nache nqollemñi da ỹa'aldoto naua l-llecte Ñim Nataxala' qataq so nta'a.

Deuteronómio 16:5

Qataq que'eca Lapascua da qaualauachi que'eca shiguiỹac maye qarachetaqtaxanaxachi, nache saishet da camachaqca cam huaña que'eca huaqta'a't nỹecpi maye ỹotta'a't naua nañalo maye qami' ỹanema Ñim Nataxala',

Deuteronómio 16:2

Qaq que'eca Lapascua, nache huetoigui qome da qaỹa'añiiuo aca huaca, qataq qagueta da qarachetaqtaxanaqche da qaỹa'añiỹot Ñim Nataxala' maye Qanatamnaxala'ai, huaña qanqa'eñi ca lca'ateua'a da lanataqa' Ñimaye.

Éxodo 34:25

Qataq ca nachetaqtaxanaxat shiguiỹac, saishet qome da lỹateuo ca ltago'q da qoỹaneuo qataq aca nauole maye huo'o na lalegue maye ỹasheeraxachigui. Qataq que'eca shiguiỹac maye qoỹaneuo, huaigui qanqa'en ca na'a'q maye laloxoqui co'ollaxa so Lapascua, da qanallec ana nauole maye qaica ca lalegue da ỹasheeraxachigui, qataq saishet qome da huo'o ca no'onañi, da yaqto' iviraigui ca lỹa na'a'q.

Éxodo 34:8

Nache so Moisés sa naỹaloxon da ỹa'alyiñi naua l-llecte da nqapaxaneguet na 'alhua da natamen.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Éxodo 12:28

Ime, nache jec somayepi da ỹo'ot 'enauac nam la'aqtac Ñim Nataxala' maye ỹamaxaleguete so Moisés qataq so Aarón.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Salmos 44:1

'Am maye 'Aro'onatac 'Enauacna, qomi' sa'axasoqchigui co'ollaxa so qarta'alpi, da qomi' ỹa'axattapeguema ne'ena 'auo'otpi co'ollaxa, se'esoua na'axa'te maye huetoiguilo soua hua'au' vi'iye.

Éxodo 13:8

Nache que'eca na'a'q qami' qome qaua'axacheetapeguem ca qaỹa'alquipi, qoñiita': De'era qaỹo'ot nagui, nachera da qomi' 'eeteque Ñim Nataxala' co'ollaq qolqa'ai naqa'en ye Egipto.

Salmos 78:5

Ñimaye lapaxañi co'ollaxa da llec na la'aqtacpi da yaqto' ỹanem so Jacob, qataq na lqataxacpi da yaqto' ỹanem so Israel, nache ỹamaxalec so hua'au qarta'alpi da ỹapaxaguenec na llalaqpi.