Éxodo 12:26 - La'aqtaqa Ñim Lo'onatac 'Enauacna 2013

²⁶ Qaq qom qami' ina't ca qaỹa'alquipi da 'eeta': ‹¿Negue't cam naigui de'era qarquia'axaqui?›

Éxodo 12:26 Referans Kwoze

Deuteronómio 32:7

'Auennate qome da 'auachegoqta'ague, 'antoueeta'ac qome soua hua'au' vi'iye, ñaq 'anat ca 'arta'a da yaqto' 'am da'aqtaxanem, qataq na nqueroxonecpi da yaqto' ỹa'axat.

Salmos 145:4

Na nta'alpi qataq cam llalaqpi ỹo'oxoreetac qome na 'aro'onatacpi, qataq ỹa'axattac na lta'araicpi maye 'auo'otpi.

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Isaías 38:19

Nachenata na nca'altauecpi maye ishet da 'am ỹo'oxoren, 'eeta'am da sheetec nagui aỹem. Na nta'alpi qalaq ỹa'axatem na llalaqpi dam sa nquic 'arataxac.

Deuteronómio 11:19

Qataq qauapaxaguiñic de'era ca qaỹa'alquipi, da qoñiitaña ca qarmaye, huo'otaq da qoquiitague' ca nqa'aic, qataq da qannañiiñi ye pe, qataq da qoñiisheguem ye nte'eta.

Deuteronómio 6:7

nache 'avi'eguelaxattalec da 'auapaxagueeteguec na 'aỹa'alaqpi, da qonetaña ca 'arma', huo'otaq da qoquetague' ca nqa'aic, huo'otaq da 'annaañi ye pe, qataq da qoñisheguem ye nte'eta.

Éxodo 13:22

Qaq se'eso lo'oc lta'araic nache hua'auta'ague naxa na llec somayepi ye na'a'q, qaq ye pe, qalaq nacheso se'eso lo'oc da 'ettaigui nache icoỹattalec somayepi.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Éxodo 12:25

Qaq qom mashe qaunoxoñiiua'a yi'iye 'alhua maye qami' ỹachaxanapeguema co'olloxocheye da qami' ỹanema Ñim Nataxala', nache qoquiitot qome da qauo'ocheetac de'era qarquia'axaqui da qavio'oxonnataxañi.

Salmos 44:1

'Am maye 'Aro'onatac 'Enauacna, qomi' sa'axasoqchigui co'ollaxa so qarta'alpi, da qomi' ỹa'axattapeguema ne'ena 'auo'otpi co'ollaxa, se'esoua na'axa'te maye huetoiguilo soua hua'au' vi'iye.

Deuteronómio 6:20

Qaq da huo'o ca na'a'q da qami' ina't na qoyalquipi, da 'eeta': «¿Negue't ca naigui ne'ena namaxasoxonaxacpi, nqataxacpi, qataq na qalapaxañi lataxacpi, maye qomi' ỹamaxaleguete Ñim Nataxala' maye Qanatamnaxala'?»