Éxodo 12:23 - La'aqtaqa Ñim Lo'onatac 'Enauacna 201323 Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'. Gade chapit la |
Éxodo 12:23
14 Referans Kwoze
So Moisés huo'o da lpi'iỹaxac Ñim Lo'onatac 'Enauacna, ỹoqo'oye ỹo'ot so nquia'axac maye le'enaxat Lapascua. Nataqa'en damaxasoxoolec da qaỹa'ame'n naua laso'omi naua ntago'q naua lma'ate na Israel le'ecpi. Yaqto' so namaxashec piguem le'ec maye qanamaq da dalaataxan saishet da huo'o ca ỹalauat nam la'auaxanec llalec nam Israel le'ecpi.
Qauachegoqoichiguiña qome añi ỹalamaqte atamnaxaqui nache qaualauache na ỹa'axaiquipi, nsoxoppiolec qataq na qa'ampiolec, na ñaqpiolec qataq na 'alpi, nache qaviraxachiỹa'a da qaica ca no'onañi da nca'altauec. Qalaxaye saishet qome da huo'o ca qoñeeta'ac ca huo'o ca na'anaxat. Nache soomaye ỹalauat so ỹa'axaiquipi maye nachatto'ot aso atamnaxaqui.»
Qaq so nale piguem le'ec Ñim Nataxala', co'ollaq mashe huotaique da nlaxaañi ye Jerusalén, nache Ñim Nataxala' ntogottague' de'era qauem maye ỹo'ot, nache 'enapega so lamaxashec piguem le'ec maye ỹalauattac se'eso shiỹaxauapi, 'eeta': «¡A'aye, 'axaañi de'era 'auo'ottac!» Qaq se'eso namaxashec piguem le'ec, hueta'a co'ollaxa ye lchegoxosoxonqa' so Arauna som jebuseo, maye ichegoqtac na trigo.
Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.
Piblisite