Éxodo 12:14 - La'aqtaqa Ñim Lo'onatac 'Enauacna 2013

¹⁴ Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 12:14 Referans Kwoze

2 Reyes 23:21

Huaña co'ollaxa nache so nta'a Josías, ỹamaxalec so shiỹaxauapi da ỹo'ot so Lapascua, da yaqto' ỹo'oxoren Ñim Nataxala' maye Natamnaxala', cha'aye nachera da nanettalec aso nere maye huetalec da aỹamaxataxac.

Éxodo 12:24

Qaq de'era ỹa'aqtac, ỹataqta qaualaqailec qome, nache 'ena'am ca qaỹa'alquipi. Qaq de'era namaxasoxonaxac, nache 'eetai' qome qauo'ocheetac.

Éxodo 12:17

Qaq qami' qauo'oche qome ca qayo'oxonnataxanaxaqui que'eca na'a'q maye huetoigui da qanallec ana nauole 'ayiiña maye sa qaỹauo'o ana lalecte, cha'aye que'eca na'a'q huetoigui da qami' ñeqateeguesopa na Egipto. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qaq nache 'ena'am qome ca qaỹa'alquipi.

Éxodo 12:43

Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Mateo 26:13

Qaq ỹataqta 'eesa de'era qami' sa'aqtaxanema, de'era ỹo'ot ana'ana 'alo nache 'eetai' qome da qaiuennatega 'enauaque naua 'aleu', maye huaña da qaỹa'axat da no'on na'axaỹaxac maye ỹa'axat Ñim Lo'onatac 'Enauacna.

Salmos 135:13

'Am Nataxala', da 'are'enaxat chochaq tatec, da 'are'enaxat nache 'eetai' qome da lhuennataxat cam dalaxaicpi.

Salmos 111:4

Qataq ỹo'ot da nhuennataxat da llo'oxoyec. Ñim Nataxala' ỹataqta hualaxaunaxaic qataq choxonnataxanaxaic.

Deuteronómio 16:11

Qataq qauamaichiguiñi qome, ỹauaachigui qanqa'eñi Ñim Nataxala' maye Qanatamnaxala'ai, qataq huaña ca lca'ateua'a da lanataqa', nache qaualliquiita'aguet nam qaỹa'alquipi, qarlataquipi, leviitapi, qataq na chegaqauecpi, saploqpi qataq ana pa'aipi maye qami' netaiguilo.

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Zacarías 6:14

Qaq aca'aca aro'o, nache qoỹanaigui qome añi atamnaxaqui maye ỹalamaqte, da yaqto' saishet da qaicoua'aisalo soua, Jelday, Tobías, qataq so Jedaías maye llalec so Sofonías.»

Ezequiel 46:14

Qaq nataqa'en ye nte'eta nache qoỹanot qome Ñim Nataxala' da nachetaqtaxanaxat ca siete litros ca nañiguishec ala, qataq ca un litro ca aceite, cam qaicorelec qome ca 'ayiiña. Qaq 'era da qalapaxañi lataxac maye qaỹamaxasoxoolec, qaq damaye chochaq tatec qanqa'en.

1 Samuel 30:25

Qaq nache huaiguio' se'eso na'a'q da so David lapaxañi de'era lataxac da huo'o ca loquiaxac, qaq so Israel le'ecpi nache queta da ỹo'ottac, choche ivitta'a nagui.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Números 18:8

Ñim Nataxala' 'enapega so Aarón, 'eeta': «Aỹem, 'am sepa'axana'aguet da 'aulotague' 'enauac na nachetaqtaxanaxatpi maye Aỹem qoỹanot. Nache 'enauac na qaiỹotauga nachetaqtaxanaxatpi maye Aỹem ỹanot na Israel le'ecpi, namaye 'am sanem qataq na 'aỹa'alaqpi da yaqto' qaralamaxache, qaq de'era lataxac nache 'eetai' qome.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Números 10:8

Qaq ñeua llalqa so Aarón maye ntaxaỹaxanaxanaqa, nacheñiua qome ñeua ỹashiiyiguilo caua nasheerel. Qaq de'era qalapaxañi lataxac, choche tatec qome da qauo'ocheetac qami', qataq cam qaỹa'alquipi.

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Éxodo 23:15

Qauo'oche qome ca qarquia'axaqui da qollequi ana nauole 'ayiiña maye sa qaỹauo'o aca lalegue maye ỹasheeraxachigui. Qataq qauloitelec qome da ỹa'aqtac maye qami' sanema, da qollequiitac ana'ana nauole 'ayiiña caua siete na'axa'te. Qaq ca na'a'q maye huetoigui damaye, nacheca ca ca'agoxoic le'enaxat Abib, cha'aye nacheso so ca'agoxoic maye huetoigui co'ollaq qoquiỹa'ai ye Egipto. Qaq da qauanaqui da Aỹem qavio'oxoyiñi nache Aỹem qandoiua'a aca qarachetaqtaxanaqche.

Levítico 23:6

Qaq da ivireuga ca na'a'q quince que'eca ca'agoxoic, nache qauo'oche qome ca nquia'axac maye qanallec aca nauole maye qaica ca lalegue ỹasheeraxachigui, da yaqto' qaỹo'oxoren Ñim Nataxala'. Qaq nache ivittrec caua siete na'axa'te da qollequiictac acamaye.

Deuteronómio 6:8

Nache ne'ena nqataxacpi, 'axattchiguiñi da 'anagui na 'arhuaq qataq 'analec na 'aratap da yaqto' la'anaxat 'anqa'en,

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Números 15:15

Qaq de'era qalapaxañi lataxac, nacherata 'oonolec da qauo'ocheetac qome, qataq ca chegaqauecpi maye qami' ỹalectaiguilo. Qaq 'era da chochaq tatec lataxac maye qalapaxañi, da yaqto' qami' qataq ca qami' chegoxogueta, nache 'eetai' qome da ỹo'ottac. Cha'aye qami' qataq ca chegaqauecpi, nache qoñiita'a't da qoviito'ot Ñim Nataxala'.