Éxodo 12:12 - La'aqtaqa Ñim Lo'onatac 'Enauacna 2013

¹² Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Éxodo 12:12 Referans Kwoze

Números 33:4

qaq so Egipto le'ecpi, ñaq ilattapiguiñi co'ollaxa so la'auaxanec llalaqpi maye Ñim Nataxala' ileu naqa'en, qataq Ñimaye nataqa'en ỹo'ot co'ollaxa da nhuaxanaguec so lataxala'pi somayepi.

Éxodo 12:23

Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Ezequiel 12:16

Qalaxaye so'ot qome da huo'o ca saq 'amaqtaq da nca'aleeguesop ca alaataxac, ca nqouaxa qataq ca nalolaxa, yaqto' camayepi ỹa'axatem qome cam ỹotta'a't shiỹaxauapi maye ỹalecta'aguet qome, 'enauac nam qaiqaiga maye ỹo'ottacpi co'ollaxa, qataq huaña nache ỹaỹaten da nachaỹem maye Aỹem Nataxala'.»

Jeremías 43:13

Nataqa'en ilaxachigui qome ana logorai coma'pi ye Heliópolis maye naña na Egipto, qataq ỹavigaxat ana atamnaxaquipi maye netaigui na atamnaxala'pi na Egipto.›»

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Salmos 82:6

Qaq aỹem mashe shenapec co'ollaxa da qami' atamnaxala'pi, 'enauac da qoñiita qami' llalaqpi Ñim Nataỹaña 'Enauacna.

Salmos 82:1

Ñim Lo'onatac 'Enauacna nachaañi da ilo'ogue da laponaxac na laỹepi atamnaxala'pi, nache huetangui namayepi da lapaxañi da lataxac da huo'o ca nmit.

Éxodo 6:2

Nache Ñim Lo'onatac 'Enauacna qaltaq 'enapega so Moisés, 'eeta': «Aỹem maye Nachaỹem Nataxala'.

Amós 5:17

Qataq 'enauac qome na uva lma'pi da huo'o da noinaxac, qom ñanac da sauo'o ca qauaxanaguiiqui.» Qaq 'era da la'aqtac Ñim Nataxala'.

1 Crónicas 14:12

Qaq so filisteopi, ỹalat co'ollaxa som natamnaxala'pi, nache so David damaxasoxoolec da qaỹavigaxat somayepi.

1 Samuel 5:3

Qaq so lỹa na'a'q, co'ollaq ñisheguem so lma' ye Asdod, nache ilalec so ne'enaqtac lqui'i so Dagón da huetaiya', nqapaxaatañi hueta'aguet na 'alhua, hueto'ot na laỹe aso arca maye laỹe' da naỹamaxataxac Ñim Nataxala'. Nache nauaxaỹaxaasheguem somaye, nache qaltaq ỹe'eguelaxatchiguiña som netaña co'ollaxa.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

1 Samuel 6:5

Qaq nache, qauo'oche qome ca qare'enaqtaqui, qaue'enaxachiichigui ana na'agotaqtepi qataq ana chegoxonaxapi maye nlaxattapiguiñi na qana'alhuai, qataq huo'o naq 'enec qanqa'eñi Ñim Natamnaxala' ye Israel le'ecpi, shapegueto' qom vi'iiguet naqa'en da qanhuaxanaguiiqui, qataq da nhuaxanaguec nam qanatamnaxala'aipi qataq na qana'alhuai.

Éxodo 21:6

nache que'eca na'aco' iuen da ỹauegueua'a yem lanataqa' Ñim Lo'onatac 'Enauacna, nache naloteua'a naqa'en ñi lasom da ỹa'arec ana ltela camaye. Yaqto' ỹataqta lalamaxat l-latac.

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Salmos 135:8

Ñimaye nacheñi Ñim ỹo'ot co'ollaxa da l-leuaxa som la'auaxanec llalaqpi so Egipto le'ecpi, som ỹalleppi qataq so shiguiỹacpi.

Jeremías 43:12

Qataq ỹavigaxat qome ana atamnaxaquipi maye netaigui nam atamnaxala'pi na Egipto, qaq nam natamnaxala'pi namayepi qalaq ỹavigaxat huo'otaq ỹache, 'eeta'am naqa'en da lcoñeteguishecpi. Qataq ichegoq qome na 'alhua na Egipto, 'eeta'am ca qagueta lo'o da ichegoxouec na lalaxat caua logo, ime nache ca'ai qome namaye nache qaica ca ishet da nqanaxat.

Jeremías 46:25

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Aỹem sauo'o qome ca nhuaxanaguec ñi Amón, maye atamnaxala' ye Tebas, qataq ye Egipto cañe' ñaqa'en nam natamnaxala'pi, qataq nam lta'alpi, qataq ñi faraón qataq nam ỹa'amaqteetac ñimaye.

Éxodo 9:6

Qaq so lỹa na'a'q, nache Ñim Nataxala' ỹo'ot de'era. Nache 'enauac so Egipto le'ecpi ileu so na'atetpi, qaq so Israel le'ecpi saishet da huo'o ca 'oonolec so na'atetpi da ileu.

Salmos 91:7

Cha'aye na'aictaxa da mil ca ileu na pa'aỹa'ague na 'ane'emaq, qataq diez mil ca pa'aỹa'ague na 'oic, qalaxaye da qoneta ỹataqta qaica ca machaqca.

Salmos 95:3

Cha'aye Ñim Nataxala' maye Lo'onatac 'Enauacna, Ñimaye 'amaqtaqaic, qataq 'amaqtaqaic Nta'a maye nataỹaña 'enauac na laỹepi atamnaxala'pi.