Éxodo 12:11 - La'aqtaqa Ñim Lo'onatac 'Enauacna 2013

¹¹ Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.

Éxodo 12:11 Referans Kwoze

Éxodo 12:27

Nache qami' qoñiita' qome: Ñi'iñi shiguiỹac maye qaỹalauat da qanallec naigui da qaỹo'oxoren Ñim Nataxala'. Cha'aye Ñimaye co'ollaq ỹalauat so Egipto le'ecpi, nache napactaleguete naua lma'ate so Israel le'ecpi maye netaña ye Egipto, qaq 'era da 'eetec co'ollaq nca'alaxatec na qoyalaqpi.» Nache na Israel le'ecpi ỹa'alyiñi co'ollaxa naua l-llecte da yo'oxonnataxan.

Efesios 6:15

Qataq nataqa'en qami' lhuotte' da qaua'axache da no'on na'axaỹaxac maye chegaqaigui da nlagaxayec; ¡ỹataqta qami' lhuotte' qome da qaua'axache damaye!

1 Corintios 5:7

Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

Lucas 12:35

Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

Números 28:16

Qaq ca na'a'q catorce ca la'auaxanec ca'agoxoic ye vi'i, nache huetoigui qome da qaỹo'ot ca Lapascua da qaỹo'oxoren Ñim Nataxala',

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Éxodo 12:43

Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Éxodo 12:21

Nache so Moisés damaxasoxoolec da qaiỹaxaneuga 'enauac so lqueroxonecpi so Israel le'ecpi, nache 'enapega, 'eeta': «Qauesomiỹa qome, qauacoñiiua'a ca qagueta llalec. Ime, qaq qaualauache, yaqto' ñi 'oonolec da qoñiita qataq ca llalaqpi ỹo'ot ca lquia'axac da yo'oxonnataxan.

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Lucas 7:38

Nache aso 'alo pa'auo, nache ỹa'alyiñi naua l-llectel, hua'aqtaua'alo naua lchel So Jesús, nache asomaye ye ỹaguec da nnoinaxac, nache naua lache' taleguete naua lchel So Jesús. Ime, nache ỹaqaxaỹaxa't naua lchel Somaye ỹauota'a na laue qataq napigoqta'ape, ime, nache icoreleguete som coraxat maye ỹachetac.

Éxodo 12:13

Qaq que'eca ltago'q nacheca qome ca la'anaxat naua qarma'achilli' maye qoñiitaiguilo. Qaq yaqto' qom aỹem salauat na Egipto le'ecpi, nache qaica ca 'oonolec da qoñiita da ileu. Cha'aye da sela'a ca ntago'q, nache aỹem sapactauec.

Lucas 2:41

So José qataq aso María 'enauaque naua vi'iye da ỹe'eguelaqtra'ague da Jerusalén naxa da iviteuga so naponaxac maye le'enaxat da Lapascua.

Isaías 52:12

Qalaxaye saishet da qaỹalleetapigui' da qoquiỹa'ai namaye, qataq saishet da qauataiuec, cha'aye Ñim Nataxala' maye Natamnaxala' na Israel le'ecpi qami' mpaxattaleguete qome.

Números 9:1

Qaq co'ollaq mashe ivita so 'oonolec ca'agoxoic so vi'i dos, da so Israel le'ecpi ca'ai ye Egipto. Nache Ñim Nataxala' 'enapega so Moisés, co'ollaq huaña ye toolec 'alhua ye Sinaí, nache 'eeta':

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.

2 Reyes 23:21

Huaña co'ollaxa nache so nta'a Josías, ỹamaxalec so shiỹaxauapi da ỹo'ot so Lapascua, da yaqto' ỹo'oxoren Ñim Nataxala' maye Natamnaxala', cha'aye nachera da nanettalec aso nere maye huetalec da aỹamaxataxac.

Ezequiel 45:21

Qaq ca na'a'q catorce ca la'auaxanec ca'agoxoic, nache qauachegoxocheechiguiña qome da qauo'oche ca qaraponaxaqui Lapascua, nache ivittre'c qome caua siete na'axa'te da qollequiitac aca nauole 'ayiiña maye qaca aca lalecte maye ỹasheeraxachigui.