Éxodo 11:6 - La'aqtaqa Ñim Lo'onatac 'Enauacna 2013

⁶ Nache imauec qome na Egipto huo'o ca na'alaxac. Damaye ỹataqta sa qaỹauanapega qataq sa lỹa qome da qaltaq qanauane'. Qaq 'era da la'aqtac Ñim Nataxala'.

Éxodo 11:6 Referans Kwoze

Éxodo 12:30

Nache so faraón qataq so ltauapi qataq 'enauac so Egipto le'ecpi ñisheguem se'eso pe, nache ỹataqta lta'araic da la'alaxac, souaxat da nqui'ic 'enauac ye Egipto. Cha'aye qaica ca nỹec da huo'otaq saqca ca leuaxaic.

Amós 5:17

Qataq 'enauac qome na uva lma'pi da huo'o da noinaxac, qom ñanac da sauo'o ca qauaxanaguiiqui.» Qaq 'era da la'aqtac Ñim Nataxala'.

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Sofonías 1:10

Ñim Nataxala', 'eeta': «Que'eca na'a'q qaỹa'axaỹa qome ca na'alaxac, da qaiỹaxanaique ca ntaunaxanaxac, huaña ñim ñegueuo maye le'enaxat Nỹaq, qataq cam na'alaxac maye chemaxaña ñi lỹa lasom, qataq huo'o qome ca lta'araic l-lamaxa cam hua'axañi chemaxaña añi lcomaraxalate.

Lamentaciones 3:8

Qaq na'aictaxa da ña'alaqtapiguiñi, da seỹaxaatacot da aỹem itauan, qalaxaye saishet, da qochetega da ñachoxonnaxac,

Jeremías 31:15

Ñim Nataxala' 'enapec: «Huo'o da qaỹa'aqtega na'alaxac chemaqtegueña ye Ramá, noinaxac maye ỹataqta daquicota. Qaq nachañi añi Raquel, nỹeeteguelec so llalaqpi, qaq saishet da ỹaỹamaxaren da qaicochaq, cha'aye mashe ileu 'enauac somayepi.»

Isaías 15:8

Cha'aye da noinaxac ivira'alo naua loga'te ye 'alhua Moab, qataq da na'alaxac ivira'a ye Eglayin qataq ye Ber Elim.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Éxodo 11:7

Qataq yaqto' qami' ishet da qauaỹaañita da Ñim Nataxala' ỹataqta iỹotauga na Egipto le'ecpi qataq na Israel le'ecpi, qaq saishet qome da huo'o ca 'oonolec pioq da ito'oguet ca shiỹaxaua na Israel le'ecpi, huo'otaq ca shiguiỹac.

Éxodo 9:18

Qaq ỹoqo'oye qonte' 'eeta'am nagui, nache ñanacot aca qalota lache maye saishet da ỹauanapega da talec 'enauac na Egipto soua hua'au' vi'iye.

Isaías 19:16

Qaq que'eca na'a'q nache ye Egipto le'ecpi 'eeta'am qome na 'alpi, cha'aye ỹataqta nlaxagui qome da lli'iỹaxa qataq da lcolanaxa, qom ilo'ot Ñim Nataxala' maye Qaica ca Ỹaqalanapec da nauaxaỹaxaasheguem na lhuaq da dataỹa'aguet yemayepi.