Éxodo 11:3 - La'aqtaqa Ñim Lo'onatac 'Enauacna 2013

³ Nache Ñim Nataxala' ỹanem da so Egipto le'ecpi ỹataqta huo'o da lqouagaxa so Israel le'ecpi. Nataqa'en so ltauapi so faraón ỹataqta sa latetapec so Moisés, 'eeta'am naqa'en ca ỹale maye huo'o naq 'enec, nache 'eeta'am nataqa'en da lhuennataxac 'enauac so Egipto le'ecpi.

Éxodo 11:3 Referans Kwoze

Éxodo 12:36

Nache Ñim Nataxala' ỹo'otec so Egipto le'ecpi da ỹanem 'enauac nam iỹaxanaique so Israel le'ecpi. Qaq 'era da 'eetec co'ollaxa so Israel le'ecpi da ỹataqta nhuotta so Egipto le'ecpi.

Éxodo 3:21

Qaq aỹem qome nataqa'en sanem yi'iye ỹalamaxatpi, da yaqto' ye Egipto le'ecpi ỹataqta ichoxoren yemayepi, yaqto' qami' qom ivita da qoqui, qalaq saishet da qui'itchiguilo naua qarhuaxayilli'.

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Hechos 7:22

Qaq ỹoqo'oye so Moisés qaỹapaxaguenec 'enauac nam no'on laỹaanec nam netaña ye Egipto. Nache somaye ivira'a da ỹataqta 'amaqtaqaic ỹale qataq 'añaxaic cam 'enapec qataq cam ỹo'ot.

Ester 9:4

cha'aye so Mardoqueo, mashe huo'o da la'amaqchec da hueta'a so lma' lta'araic so nta'a, qataq da na'aqtaguec mashe imauec da qaỹaỹaten 'enauac so 'alhuapi, qaq nacheye ye na'a'q da nquictauec da la'añaxac.

2 Samuel 7:9

qataq nache 'am ñenaictague' 'enauac na 'ecỹaxacpi, qataq ñematchiguiñi 'enauac so 'ampa'aguenaxauapi, qataq 'am sanem da ỹataqta lta'araic da 'ayo'oxoyec, 'eeta'am ñaqa'en so 'amaqtaqaicpi ana 'alhua.

Deuteronómio 34:11

huo'otaq da ỹo'ot so na'anecpi maye ỹo'ot da na'aalaxa maye ỹamaxalec Ñim Nataxala' da yaqto' ỹo'otec so faraón qataq so ltauapi, qataq 'enauac na 'alhua ye Egipto,

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Éxodo 12:35

Qaq somayepi ipactelec da la'aqtac so Moisés, da iỹaxanot na Egipto le'ecpi, iỹaxanaique na nogoxoshet maye chegaqaigui na lcat oro, plata qataq na nogoxot maye ỹataqta no'on.

Deuteronómio 34:10

Qaq nache chegoqchiguiña co'ollaxa da qaica ca lỹa na'aqtaxanaxanec ye Israel da 'eeta'am so Moisés, da ishet da datata'aguet da na'aqtaxaatague' Ñim Nataxala',

Josué 4:14

Qaq se'eso na'a'q nache Ñim Nataxala' ỹo'ot da so Israel le'ecpi ỹa'aalac, qataq huo'o naq 'enec naqa'en so Josué, ỹe'enaxattem da 'eetec co'ollaxa da hueta'aguet so Moisés, 'enauaque naua na'axa'tesa'ache da nachaalataxac.