Éxodo 10:23 - La'aqtaqa Ñim Lo'onatac 'Enauacna 2013

²³ Nache ivittrec se'esoua na'axa'te da qaica ca ishet da ila'a ca lauoreua, nataqa'en qaica ca ishet da iraxan ca lma'. Qalaxaye 'enauac na lma'pi so Israel le'ecpi yo'oqchiguiñi.

Éxodo 10:23 Referans Kwoze

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.

Éxodo 9:4

Qalaxaye Ñim Nataxala' iỹotauga qome na na'atetpi na Israel le'ecpi qataq na Egipto le'ecpi, da yaqto' saishet da ileu ca 'oonolec na na'atetpi na Israel le'ecpi.»

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Josué 24:7

Qaq somayepi aỹem iỹaxanot co'ollaxa, nache sauo'o so lta'araic napalaxa da yaqto' napalñi ñaqa'en so llec so Egipto le'ecpi, qataq so 'etaxat aso auaxai talec ñaqa'en somayepi nache ỹapolec. Qaq qami' ỹataqta qauauañiichigui 'enauac som so'otpi co'ollaq huaña ye Egipto. Qaq co'ollaq ime de'era, nache qaỹoqteguelo soua vi'iye da qoñiitalec ye toolec 'alhua,

Éxodo 14:20

Nache se'eso lo'oc lta'araic pa'aỹangui na laiñi da pa'aỹa'aguet so nalleppi so Egipto le'ecpi, qataq so Israel le'ecpi. Nache se'eso lo'oc napalñi naqa'en so hueta'a so Egipto le'ecpi, qaq so Israel le'ecpi qalaq yo'oqtelec naqa'en. Qaq ỹoqo'oye imauec se'eso pe so Egipto le'ecpi saishet da ivi' so Israel le'ecpi.

Éxodo 9:26

Qaq nachaqyeta ye 'alhua Gosén, maye netalec som Israel le'ecpi da saishet da talec aca 'oonole lache.

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.

Éxodo 7:25

Qaq co'ollaq inoxoorec soua siete na'axa'te da Ñim Nataxala' na'axat na 'etaxat so tala.

Éxodo 8:18

Nache so 'oiquiaxaipi nataqa'en huotaique da nauegueuo ana 'aỹat qalaxaye saỹañoxot. Qaq ỹoqo'oye aso 'aỹat ỹataqta lamaaxa sa ỹauo'o ca ldaqa' so shiỹaxauapi qataq so shiguiỹacpi.

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.