Biblia Todo Logo
Bib sou entènèt

- Piblisite -




Éxodo 10:21 - La'aqtaqa Ñim Lo'onatac 'Enauacna 2013

21 Nache Ñim Nataxala' 'enapega so Moisés, 'eeta': «'Auachaxaasheguemec qome na 'arhuaq na piguem, yaqto' huo'o ca napalaxa lta'araic 'enauac na Egipto, ivitta'a qome da choche qaipottapeecra'.»

Gade chapit la Kopi




Éxodo 10:21
23 Referans Kwoze  

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.


Ne'ena dapaxaguenataxaatacpi maye saq 'en namayepi, 'eeta'am aca ñi'illoxoqui maye qaica ca le'ec 'etaxat, qataq 'eeta'am na lo'oc na piguem maye choche ỹachetac na la'at. Namayepi Ñim Lo'onatac 'Enauacna ỹauo'o ca nhuaxanaguec qataq ỹasaxaña ca nhuaxanaqa' maye chochaq tatec na napalaxa.


Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.


Co'ollaq mashe na'a'q laiñi choche ivitta'a da dasheta añi nala', nache 'enauac ye 'alhua ỹataqta napalñi,


Qaq co'ollaq mashe na'a'q laiñi, nache huo'o so napalaxa, ima'a't 'enauac ana 'alhua. Choche ivitta'a da dasheuec añi nala'.


Nache 'enauac ana 'alhua ỹataqta napalñi, chegoqchiguiña so na'a'q laiñi, choche ivitta'a so dashiguiñi añi nala' se'eso avit.


Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.


Ñimaye namaq co'ollaxa so napalaxa nache imauec da napalñi naqa'en yi'iye 'alhua, qalaxaye so Egipto le'ecpi saishet co'ollaxa da iqocha'a da la'aqtac Ñimaye.


nache 'apottapecra' ye na'a'q, qoneta'am ca sanauaañi maye huetaigui ca napalaxa. Qataq 'enauac ca 'auo'ot qaica ca ỹaỹamaqchiguiñi, qataq 'enauaque naua na'axa'te da qouetaiya', qataq 'am qanhuotta, nache qaica ca anac da 'am itauan.


Nache Ñim Nataxala' 'enapega so Moisés, 'eeta': «'Auachaxaasheguemec na 'arhuaq na piguem, yaqto' 'enauac na Egipto talec aca lache, qataq na shiỹaxauapi qataq na shiguiỹacpi, qataq ana nañiguishecpi maye huetaleguete naua lanaxanaqa'ate na Egipto le'ecpi».


Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.


Cha'aye na'aictoxo' da que'eca nogotolec imauec da deqat, huaigui na napalaxa maye huaigui da qaicoua'ai da le'enaxat,


Cam ỹaanaxanaxaic ỹataqta nlotauec, qaq ca qaica ca ỹaỹaanapec qalaq quetagui na napalaxa. Qalaxaye nataqa'en saỹaten da 'enauac da 'oonolec ye iuatta'aguet laloqo'.


Ñim Lo'onatac 'Enauacna namaxa somayepi da lta'araic layeloxo, qaq de'era lalemataic, lhuaxanaxanaxac, que'eenaxac, damaye 'eeta'am ca na'aqtaxanaxanec, maye ỹa'axatta'aguet na que'eenaxaguesat.


Nache napalñi qataq salvi so nqa'aic namayepi, qom icanapec namayepi so lamaxashec piguem le'ec Ñim Nataxala'.


Qaq so pa'atec soua cuatro namaxa'she piguem lashe' co'ollaq ỹashiiyigui aso lasheere, nache 'om na laỹe añi nala' qataq ñi ca'agoxoic qataq na huaqaañipi qaileguemaxat, nache saishet da 'eroigui. Qaq ỹoqo'oye huo'o na huaña na yo'oqchiguiñi, qaq ñi ca'agoxoic qataq ana huaqaañipi saishet da 'eroigui ye pe.


Qataq Ñim Nataxala', nataqa'en 'enapego' so Moisés, 'eeta': «Qonapega qome ñi Aarón da ỹacona aca lashelte. Ime, qaq ỹachaxaasheguem na lhuaq, naloqteetelec naqa'en na tala, qataq na la'auaxacpi, qataq na qa'aimpi, qataq ana laỹe' na laquip na Egipto le'ecpi, qataq 'enauac anam huetangui na 'etaxat, da yaqto' nañigui na ntago'q. ¡Yaqto' huo'o qome na ntago'q ivira'a nataqa'en na huetagui ana naco'oñapi maye 'epaq qataq coma'!»


Qom 'am selaxachigui, nache so'ot da napalñi na piguem, qataq 'om ana huaqaañipi, qataq añi nala' so'ot da ỹapolec na lo'oc na piguem, qataq ñi ca'agoxoic saishet qome da ỹe'eguelaxa da 'eroigui.


Ñim Nataxala' maye Qanatamnaxala'ai, Ñimaye hua'auta'ague da qa'aita'ague qataq maiche qami' delocleguete, 'eeta'am co'ollaq huaña ye Egipto,


¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?


¡Nache ye na'a'q, camayepi pogolaxaateguiñi, 'eeta'am da huetaigui ca napalaxa! Qaq ye na'a'q laiñi qalaq ipottapecra' 'eeta'am da huetaigui ye pe.


Swiv nou:

Piblisite


Piblisite