Éxodo 10:17 - La'aqtaqa Ñim Lo'onatac 'Enauacna 2013

¹⁷ Qalaxaye qami' ñachoxonnoto da chaqnatac nagui da aỹem qauchoxoyiñi souaxat da ỹasouaxashet. Qataq aỹem qanqouagaxauñiilec qome da qanqouagaxauñiỹot Ñim Nataxala' maye Qanatamnaxala'ai, da yaqto' nqateeguesop aỹem de'era lhuaxanaxanaxac maye dalaataxanapec.»

Éxodo 10:17 Referans Kwoze

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 9:28

Qaq cha'aye mashe qalota na nalataxa qataq ana lache maye namaq Ñim Lo'onatac 'Enauacna, qaq nagui saishet qome da qami' ñellerañi. Qalaxaye qauỹaxañiỹot qome Ñimaye da qomi' qanqouagaxauñeeleguete, yaqto' qami' sasheetrec da qoqui.»

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

2 Corintios 1:10

Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

Romanos 15:30

Qami' ỹaqaỹañicpi, aỹem qami' ñachoxoreetoiguilo souaxat So Qarataxala' Jesucristo, qataq souaxat da nsoxoyec maye qomi' ỹanema So Saqcha'a Na'añaxac Qui'itta, da aỹem qautauañi qome da qanqouagaxauñiỹot Ñim Lo'onatac 'Enauacna da aỹem qanqouagaxauñiitalec.

Hechos 8:24

Nache so Simón 'enapeco': –Aỹem qanqouagaxauñiilec, qauỹaxañiỹot Ñim Lo'onatac 'Enauacna, da yaqto' saishet da huo'o ca aỹem tagui 'enauac nam qaua'axacheetac.

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

2 Reyes 4:40

Qaq co'ollaq dato, nache nỹoxosheguem da ỹanoigui som na'aqtaxanaxanecpi. Qaq somayepi co'ollaq chec se'eso nhuoshec, nache ỹa'alaqagui, 'eeta': 'Am la'aqtaxanaxanec Ñim Lo'onatac 'Enauacna, ne'ena nallec ishet da dalaataxan. Nache somayepi, saishet da chec.

1 Samuel 15:25

Qalaxaye aỹem 'am ñachoxonnot da 'auapalaxat qome da ỹasouaxashet, qataq da aỹem 'annaicapegue' da she'eguelaq da yaqto' ñatamnot Ñim Nataxala'.

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Éxodo 9:27

Nache so faraón damaxasoxoneuga so Moisés qataq so Aarón, nache 'enapegalo', 'eeta': «Aỹem ñauattootela't da huo'o da ỹasouaxashet. Qaq damaye maiche ỹasouaxashet qataq na ihuo' le'ecpi, qaq saishet da nacheñi Ñim Nataxala'.

Éxodo 8:4

Qataq tasheguemec qome ye 'arma' aca miỹo qataq na 'artauapi qataq 'enauac na 'arhuo' le'ecpi.»

Números 21:7

Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.