Éxodo 10:16 - La'aqtaqa Ñim Lo'onatac 'Enauacna 2013

¹⁶ Nache so faraón saỹaỹaloxon da damaxasoxoneuga so Moisés qataq so Aarón, nache 'enapegalo', 'eeta': «Aỹem huo'o da ỹasouaxashet Ñim Nataxala' maye Qanatamnaxala'ai, nataqa'en qami'.

Éxodo 10:16 Referans Kwoze

Éxodo 9:27

Nache so faraón damaxasoxoneuga so Moisés qataq so Aarón, nache 'enapegalo', 'eeta': «Aỹem ñauattootela't da huo'o da ỹasouaxashet. Qaq damaye maiche ỹasouaxashet qataq na ihuo' le'ecpi, qaq saishet da nacheñi Ñim Nataxala'.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

2 Samuel 19:20

Cha'aye aỹem, ñauattootela't da huo'o da ỹasouaxashet, qaq ỹoqo'oye nagui aỹem, maye sachegoxoigui na maiche nhuo' le'ecpi maye chegoxoguet so José, aỹem ña'autec da 'am seqata'aguet, 'am nta'a maye 'am ỹataxala'.»

1 Samuel 26:21

Nache so Saúl, 'enapeco': ¡'Am ỹalcolec David, aỹem saỹaten da huo'o da ỹasouaxashet! ¡Sheeta'am cam qaica cam ỹaỹaana'a qataq huo'o da ñe'enaxac! ¡Qalaxaye 'añe'eguelaq qome, cha'aye aỹem saishet qome da she'eguelaxalec da 'am so'otec ca qauem, cha'aye ỹataqta huo'o da 'enec 'anqa'en da ñachaalataxac!

1 Samuel 15:30

Nache so Saúl 'enapeco': «Aỹem 'eesa da huo'o da ỹasouaxashet. Qalaxaye 'am ñachoxonnot da ỹauaachigui 'anqa'en 'enauac na nqueroxonecpi na Israel, qataq 'enauac na shiỹaxauapi, da nache 'eetai' qome da huo'o 'anqa'en da shenec da aỹem nta'a. Qaq ỹoqo'oye aỹem 'annaicapegue', da yaqto' ñatamnot Ñim Nataxala' maye 'Anatamnaxala'.»

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

Números 22:34

Nache so Balaam 'enapega so lamaxashec piguem le'ec Ñim Nataxala', 'eeta': Aỹem huo'o da ỹasouaxashet, souaxat da sa saỹaten da qonetangui na ỹec. Qalaxaye da sa 'auaỹamaxaren de'era ỹecỹaxac, nache aỹem she'eguelaq.

Números 21:7

Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Éxodo 8:25

Nache so faraón damaxasoxoneuga so Moisés qataq so Aarón. Nache 'enapegalo', 'eeta': «Qauesomiỹa qome, qauavigaxache aca qarachetaqtaxanaqche. Ime, qaq qaỹa'añiỹot Ñim Qanatamnaxala'ai, qalaxaye nache qoñiita'a ne'ena 'alhua.»

2 Samuel 24:10

Qaq co'ollaq ime aso le'enaxat lmalate se'eso shiỹaxauapi, nache so David ỹataqta huo'o da ntogotaxac, nache da'aqtaxanem Ñim Nataxala', 'eeta': «'Am Nataxala', aỹem, ỹataqta lta'araic da ỹasouaxashet, souaxat da so'ot de'era. Qalaxaye nagui 'onaxaico' da 'auapalaxat de'era ne'enaxac ne'ena 'aramaxashec.»

2 Samuel 24:17

Nache so David co'ollaq ila'a se'eso namaxashec piguem le'ec, da ỹalauattac se'eso shiỹaxauapi, nache natamnot Ñim Nataxala', 'eeta': «¿Negue'tom ca lasouaxashet ne'ena shiỹaxauapi? ¡Ye nachaỹemta da huo'o da ỹasouaxashet! ¡Qataq nachaỹem so'ot de'era qauem! ¡Qaq ỹoqo'oye 'Am ñachoxonnot da aỹem talec 'anqa'en ca ñeuaxanaguec, qataq na chegoxoguetpi so ita'a!»