Éxodo 10:13 - La'aqtaqa Ñim Lo'onatac 'Enauacna 2013

¹³ Nache so Moisés, ỹachaxaasheguem aso lashelte, naloqteetelec naqa'en ye Egipto. Nache Ñim Nataxala' anacot so la'at, chegaqa'ague da nala' lliguisheguem, nache anactac se'eso na'a'q qataq imauec so 'oonolec pe. Qaq so lỹa na'a'q, nache se'eso la'at maye chegaqa'ague da nala' lliguisheguem, anacot aso shiiquioxoipi.

Éxodo 10:13 Referans Kwoze

Mateo 8:27

Nache soua lapaxaguenataqa ỹataqta huo'o da la'aalaqa' de'era, nache nnattega't 'eetra': –¿Negue't dam da' ỹale, ye ivira'a na la'at qataq ana lapaxa na 'etaxat da ỹalaxaguet?

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Jonás 1:4

Qalaxaye Ñim Nataxala', anacot so la'at lta'araic ỹasheerelec naqa'en aso auaxai, qaq cha'aye ỹataqta lta'araic se'eso la'at, nache 'eeta'am da huotaique dolagui naqa'en aso notaxaqui.

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Salmos 105:34

Qaq co'ollaq qaltaq detaqa Ñim Lo'onatac 'Enauacna, nache anac aso qalota shiiquioxoipi.

Salmos 78:26

Ñimaye ỹauota'a da la'añaxac da anacot na la'at, chegaqa'ague naqa'en da yo'oxoñi qataq da la'añaxa, da ỹasheerelec naqa'en na 'alhua.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Génesis 41:6

Ime, qaltaq ñaxatrec soua lỹa't siete ala na trigo maye daqaqte', qataq ỹavigaxatte' so la'at quenaquiaxaic.

Salmos 78:46

Qataq na qoche'l da chec na lañiguishec ala, qataq ana shiiquioxoi da yaqto' chec na lañiguishec.

Proverbios 30:27

qataq ana shiiquioxoipi maye qaica ca lta'a, qalaxaye da jec nache ỹataqta inoicchiguiñi,