Éxodo 10:10 - La'aqtaqa Ñim Lo'onatac 'Enauacna 2013

¹⁰ Qalaxaye so faraón 'enapegalo' soomaye, 'eeta': «Ỹataqta yo'oqtec da qauem dam qoñiitapeguec. ¿Qataq qaupi'itaxañiitega peta'a da qami' hueta'agueta qome Ñim Nataxala'? ¿Qalqo' qaupi'itaxañiitega da qami' sasheetrec, nataqa'en na qaỹa'alquipi?

Éxodo 10:10 Referans Kwoze

2 Crónicas 32:15

Qaq ỹoqo'oye no'on da saishet da qami' ỹatenache't ñi Ezequías, saishet qome da qaua'amaqchiñi, cha'aye se'eso ỹotta'a't shiỹaxauapi, da qaica co'ollaxa ca natamnaxala' da isoueeguesop somayepi da ỹa'añaxac, qataq da la'añaxac som hua'au ita'alpi, qaq nataqa'en Ñim Qanatamnaxala'ai saishet qome da qami' nca'alaxateeguesopa da ỹa'añaxac.»

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Éxodo 10:9

Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 10:11

Cha'aye saishet qome da nache 'eetec de'era. Qami' ỹepi qandoitec qome da qoqui, da yaqto' qanatamñiỹot cam Nataxala', cha'aye nachera dam qoñiitapeguec.» Nache so faraón damaxasoxooleguete da qaỹo'oldauec soomaye.

Éxodo 10:24

Nache so faraón damaxasoxoneuga so Moisés, nache 'enapega, 'eeta': «Qauesomiỹa qome qanatamñiỹot cam Nataxala', qauaviqui qome nataqa'en na qaỹa'alquipi, qalaxaye qaucotañi qome ana qareloi qaguetapi qataq ana huacapi».