Éxodo 1:8 - La'aqtaqa Ñim Lo'onatac 'Enauacna 2013

⁸ Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Éxodo 1:8 Referans Kwoze

Hechos 7:18

Qaq ye Egipto co'ollaq dalaxaic som ilo'ogue nta'a, somaye saishet da hua'axaỹapeguelec da na'aqtaguec so José.

Eclesiastés 9:15

Qalaxaye se'eso huaqta'a't nỹecpi hueta'a so 'oonolec ỹale maye choxoraq, qalaxaye ỹaanaxanaxaic, qaq somaye ishet taxa da do'ogoxona da laỹaanec da nca'alaxatec som huaqta'a't nỹecpi, ¡qalaxaye qaica co'ollaxa ca tachigui lauel somaye!

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Deuteronómio 26:6

Qalaxaye ye Egipto le'ecpi ỹataqta qomi' sa iyacna'ape, qataq qomi' ỹo'oteque da qarachetataic, qataq qomi' ique'etenque da qanlataguec da so'onataxanaqtac.

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Éxodo 3:9

Qaq Aỹem sa'aqtega da lachetataic ye Israel le'ecpi, nataqa'en sauaachigui da ye Egipto le'ecpi ỹataqta qaica ca lyacnataxanaxac yemayepi.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Jueces 2:10

Nataqa'en ileu co'ollaxa so Israel le'ecpi maye naloxouapi so Josué. Huaña, nache anac som dalaxaicpi maye sa ỹauatton Ñim Nataxala', qataq sa ỹaỹaten nam ỹo'otecpi so Israel le'ecpi.