Éxodo 1:17 - La'aqtaqa Ñim Lo'onatac 'Enauacna 2013

¹⁷ Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.

Éxodo 1:17 Referans Kwoze

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Éxodo 1:21

qataq nache ỹanema da ỹataqta qalota na llale'c, cha'aye soomaye huo'o da lcolanaqa'.

Lucas 12:5

Nachaqrata da qayi'iỹai Ñim Lo'onatac 'Enauacna Ñim saishet da nachaqrata da nqat da achaalataxac, maye nataqa'en Ñimaye huo'o naq 'enec da ỹamaxaña ca nhuaxanaqa' na 'etaxaloxoicpi ca shiỹaxaua, qom imat da nqat da nachaalataxac. Qaq 'iñi maye ishet da qayi'iỹai.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Eclesiastés 8:12

Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

Salmos 31:19

Ỹataqta lta'araic da 'arqouagaxanaqtaic, maye 'auqataxaatai' da 'aỹa'anem na ỹataqta 'am quetague', qataq ỹauaachigui 'anqa'en na shiỹaxauapi, da 'aỹa'anoigui na ỹataqta 'am pe'etega.

Génesis 42:18

Qaq so na'a'q tres, nache 'enapegalo' soomaye, 'eeta': «Aỹem huo'o da icolanaxa Ñim Lo'onatac 'Enauacna. Qaq ỹoqo'oye no'on da qauo'oche da ỹa'aqtac yaqto' qarca'alleeuec:

Oseas 5:11

Nache na Efraín, qaica qome ca nyacnataguec qataq qaica ca naigui qanqa'en, souaxat da maiche quegue nam atamnaxala'pi maye qaica ca naigui.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Génesis 20:11

Nache so Abraham ỹasateguet somaye, 'eeta': «Aỹem sepettega da ne'ena nma' da qaica ca 'enec qanqa'en Ñim Lo'onatac 'Enauacna, qataq da aỹem qaỹalauat souaxat añi ihua.

Éxodo 1:18

Qaq ỹoqo'oye so nta'a maye ilotague' ye Egipto iỹaxaneugalo co'ollaxa, nache 'enapegalo, 'eeta': «¿Ta'ainco' da nache nca'altauec qanqa'eñi na ỹale da ñiguiñi?»

1 Samuel 22:17

Huaña nache so nta'a saỹaỹaloxon da ỹamaq so lamaxashecpi, 'eeta': ¡Qaualauache na ltaxaỹaxanaxanecpi Ñim Nataxala'! Cha'aye namayepi itauaatac so David, qataq ỹaỹaten da nqañoxottapiguiñi somaye, qalaq saishet da aỹem da'aqtaxanem. Qalaxaye so lamaxashecpi se'eso nta'a saishet da ỹe'egueeta'a da ỹalauat so ltaxaỹaxanaxanecpi Ñim Nataxala'.

2 Samuel 24:4

Qalaxaye so nta'a saishet da nqochenaxat da la'aqtac da 'enapega so Joab, qataq so lataxala'pi so nalleppi, ỹoqo'oye so Joab qataq so lataxala'pi so nalleppi, ca'ai co'ollaxa so nta'a, nache jec da yaqto' ỹo'ot da naneraguec so Israel le'ecpi.

Ester 3:3

Qaq huaña nache som lamaxashecpi so nta'a, inattac so Mardoqueo da ta'ainco' da saỹalaxaguet da lamaxasoxonaxac so nta'a.