Éxodo 1:14 - La'aqtaqa Ñim Lo'onatac 'Enauacna 2013

¹⁴ Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

Éxodo 1:14 Referans Kwoze

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Números 20:15

So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,

Éxodo 6:9

Nache so Moisés ỹa'axatem de'era so Israel le'ecpi. Qalaxaye somayepi saishet co'ollaxa da ỹoqocha'a, cha'aye mashe saqca ca la'añaxac souaxat da qapa'atta nlataguec.

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Hechos 7:34

Aỹem semeteetac da nque'eenaxac ye ỹalaqpi maye hueta'a ye 'alhua Egipto qataq Aỹem sa'aqtega da nqui'ic yemayepi. Ỹoqo'oye Aỹem senotec da yaqto' sesoueeguesop da la'añaxac na Egipto le'ecpi. Qaq ỹoqo'oye 'anaỹamaxat cha'aye 'am samaq da 'anqo'ona ye 'alhua Egipto.»

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Salmos 81:6

«'Am ñeqateeguesop so 'aya'ac maye huetaleguete naua 'arallaco, qataq naua 'arhuaxaye da yaqto' saqallegueme da ỹache na qapa'atta.

Nahúm 3:14

Qaq na'aictaxa da 'auqataxanai' ca 'etaxat da yaqto' saishet da 'am qaivireua'a, qataq da 'anquigaxatec da 'ara'añaxac, qataq da 'auapiguingui ca nshaxa da yaqto' 'auo'ot na losoc, qataq da 'anquigaxatec na le'eraxa aca 'arqatelaxanaxaqui.

Miqueas 3:3

Qaq nache nca'altauec qanqa'eñi da qollequiitac na ỹalamaxat nhuo' le'ecpi, qataq da ime da qancolaxacheetauec na lapat nache qaunoxoñi' naua lpi'ineqa, qataq qanpelliquiichiguiñe 'eeta'am ca lapat maye taỹa'a da qaỹasaxangui aca taxaqui.

Isaías 52:5

Qaq nagui, ¿negue't cam seuatta'a? Ye nam ỹalamaxat nhuo' le'ecpi qaica ca huasoilec da qaỹauega ye Babilonia. Qaq nam ỹamaqtac namayepi ỹa'alaqtai' da ño'oxonnaxac, qataq nache queto'ot da Aỹem isheueetac.

Isaías 51:23

Qaq sanem qome nam ỹo'ottac da 'anque'eenaxac, nam 'am 'eetega naxa, 'eeta': ‹¡'Anqapaxanguet na 'alhua yaqto' 'am sapiaqteguelec!› ¡Qaq 'am 'anqapaxaneguet co'ollaxa na 'alhua, da yaqto' namayepi 'am petapigui 'eeta'am naqa'en ca namoxoỹaxa!»

Isaías 14:6

ñim irolec naxa da nnogoxonaxac da iuaxaatac nam ỹotta'a't shiỹaxauapi, qataq saishet naxa da vi'iiguet da iuaxaatac namayepi, qataq souaxat da layeloxo nache petapigui na nhuo' le'ecpi, qataq sa ichoxoreetac da icaatac namayepi.

Salmos 68:13

Nam 'eeta'am ana laua na qoto' maye qalapaxalec na lcat plata, qataq na laue qalapaxalec na no'on lcat oro. Qalaxaye da qoñiita huo'o na no'onaigui na 'atetpi.

Rut 1:20

Qalaxaye asomaye 'enapeco': «Saishet qome da qauỹaxañiỹa da ỹe'enaxat Noemí, maye nacherata da aỹem qauỹaxañiỹa Mara, cha'aye Ñim Qaica ca Ỹaqalanapec, aỹem ỹo'otec da qalota ỹaquicoxo.

Deuteronómio 26:6

Qalaxaye ye Egipto le'ecpi ỹataqta qomi' sa iyacna'ape, qataq qomi' ỹo'oteque da qarachetataic, qataq qomi' ique'etenque da qanlataguec da so'onataxanaqtac.

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Levítico 25:53

Qataq saishet da qauashiñiita da sa qaiyacnapec camaye, nacherata da qaue'enaxacheeteguet ca 'onataxanaxaic maye 'oonolec vi'i qanqa'en da do'onataxan.

Levítico 25:46

Qaq camayepi nache no'ona'aguet qome ca qaỹa'alquipi da yaqto' lalamaxat da ivita da qaullivi, da nache 'eetai' da l-latacpi. Qalaxaye qami' Israel le'ecpi, qaica qome ca sa iyacnapec ca lamaxashec da maiche lauo' le'ec.

Levítico 25:43

Qataq saishet qome da sa 'auayacnapec, nacherata da 'auachaxan da huo'o naq 'enec 'anqa'en Ñim Atamnaxala'.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 1:13

Ỹoqo'oye somayepi ỹataqta lta'araic naqa'en da nque'eenaxac so Israel llalaqpi da ỹo'onataxanaxan.

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Éxodo 1:15

Qaq yi'iye 'alhua Egipto nataqa'en huo'oi soua dos 'alo hebreo lashe maye itauaatrac naxa ana Israel lashepi da ivita da deco'o nache nvigoqtrapiguiñi, qaq da le'enaxat aso 'oonole Sifra qaq aso lỹa Púa. Qaq so nta'a iỹaxanalo co'ollaxa nache 'enapegalo', 'eeta':

1 Reyes 12:14

nacherata da ỹe'enaxatchigui da lqataxac so nsoxoppi, 'eeta': «So ita'a da qami' ỹamaxaleguete co'ollaxa na ỹataqta qapa'atta no'onatacpi, qalaxaye aỹem nagui, ñequigaxattec da ỹataqta qapa'atta da lsallaxa ca qami' sacheleguete, qataq da so ita'a qami' iroleguete co'ollaxa so nañec da qami' ỹalashe'n, qalaxaye aỹem, qami' seroleguete ca nalashenaxanaxat maye neta'aguet na lsheenec ca lcat.»

Proverbios 28:15

'Eeta'am ca llon maye desoqtac, huo'otaq aca potai maye nqouaqato, ca qauemaic maye ilotague' na shiỹaxauapi choxoraq.

Salmos 129:1

Aỹem, ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec qaq nagui na Israel le'ecpi ishet da 'enapec.

Isaías 10:24

Ñim Nataxala' maye Qaica ca Ỹaqalanapec, 'eeta' da la'aqtac: Qami' ỹalamaxat nhuo' le'ecpi maye qoñiitaña na Sión, saishet qome da qayi'iitega ye asiiriopi, na'aictaxa da qami' ira'alo aca lashelte da qami' iuaxa'n, qataq da nauaxaỹaxaasheguem ca npon da qami' dataỹa'agueta, 'eeta'am da 'eetec co'ollaxa ye Egipto le'ecpi.