Éxodo 1:11 - La'aqtaqa Ñim Lo'onatac 'Enauacna 2013

¹¹ Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Éxodo 1:11 Referans Kwoze

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Éxodo 2:11

Qaq huo'o so na'a'q co'ollaq so Moisés ivita da mashe ỹe, nache nqo'ona ye netaña so lalamaxat lqaỹañecpi, huaña nache ilalec da ỹataqta qaica ca nyacnataguec souaxat da nlataguec. Ime qataq ỹauaachigui so Egipto le'ec da iuaxaatac so hebreo le'ec maye lauo' le'ec somaye.

Génesis 47:11

Nache so José ỹanem somayepi som ỹataqta no'on 'alhua ye Egipto, da yaqto' nalec, nache ipacchigui da la'aqtac so faraón. Qaq 'era da 'eetec da so lta'a somaye, qataq so lqaỹañecpi da huo'o so na'alhua maye huaigui yem 'alhua Ramesés.

Salmos 81:6

«'Am ñeqateeguesop so 'aya'ac maye huetaleguete naua 'arallaco, qataq naua 'arhuaxaye da yaqto' saqallegueme da ỹache na qapa'atta.

Deuteronómio 26:6

Qalaxaye ye Egipto le'ecpi ỹataqta qomi' sa iyacna'ape, qataq qomi' ỹo'oteque da qarachetataic, qataq qomi' ique'etenque da qanlataguec da so'onataxanaqtac.

Números 20:15

So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Salmos 105:13

qataq chochaq queta'aguelo na na'alhuapi na ỹotta'a't shiỹaxauapi, qataq queta'aguelo na ỹotta'a't nta'alpi,

Salmos 68:13

Nam 'eeta'am ana laua na qoto' maye qalapaxalec na lcat plata, qataq na laue qalapaxalec na no'on lcat oro. Qalaxaye da qoñiita huo'o na no'onaigui na 'atetpi.

2 Crónicas 8:4

Qaq nataqa'en no'oxoosheguem ye Tadmor, maye huaña ye toolec 'alhua, qataq 'enauac so huaqta'a't nỹecpi maye naỹamaqtaqa' na nallec, maye no'oxoosheguem co'ollaq huaña ye Jamat.

1 Reyes 9:19

Qaq so Salomón nataqa'en no'oxoosheguem so huaqta'a't nỹecpi, da yaqto' naỹamaqtaxanaqa' da qaỹaỹamaxat na nallec, qataq ỹo'ot so lma'pi aso naigonapi maye alaataxaquipi, qataq so caipi, qataq 'enauac so laỹepi maye no'oxoosheguem somaye, maye naña ye Jerusalén qataq ye Líbano, qataq 'enauac so 'alhuapi maye ilotague' somaye.

Éxodo 5:15

Nache so lataxala'pi so nlatacpi Israel le'ecpi, jec da nqo'oneua'a so faraón da 'enapega, 'eeta': «¿Ta'ainco' ye nache qonetec de'era na 'al-latacpi?

Éxodo 1:14

Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

Éxodo 5:10

Nache so alleppi maye qaipataxalec da ilo'ogue so lataxala'pi so nlatacpi, anac da 'enapega so shiỹaxauapi, 'eeta': «Ñi faraón ỹan da la'aqtac da nagui saishet da qami' sanaxama na 'auaqpi.

2 Crónicas 16:4

Nache so Ben Adad, ỹaỹamaxareeta da 'eetapeguec so nta'a Asa, huaña nache ỹamaq so lataxala'pi so nalleppi, da iloquiaxan so huaqta'a't nỹecpi maye ỹotta'a't naua nañalo ye Israel, nache deuotaxanec ye Iyón, Dan, Abel Mayin qataq 'enauac so huaqta'a't nỹecpi maye ỹotta'a't naua nañalo ye Neftalí, maye naỹamaqtaxanaqa'pi.

Salmos 129:1

Aỹem, ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec qaq nagui na Israel le'ecpi ishet da 'enapec.

Éxodo 5:8

Qalaxaye qoñiỹapega qome namayepi da ipacchigui ye lcata na lo'onatac losoc. ¡Qataq saishet da nquiguiñi da huo'otaq choche 'oonolec losoc ca saxanaqca! Cha'aye namayepi choche hualaicpi, ỹoqo'oye ỹa'alaqtai', 'eeta': ‹Qolaq, so'otaq aca qarachetaqtaxanaqte da savigaxataq, ime qaq sanaqot Ñim Qanatamnaxala'›.

Salmos 129:2

Aỹem ỹataqta qalota na ñeque'eenaxacpi, chegoqta'a co'ollaq ñaq aỹem nsoqolec, qalaxaye saishet da aỹem noxonec.