Éxodo 1:10 - La'aqtaqa Ñim Lo'onatac 'Enauacna 2013

¹⁰ Qaq ỹoqo'oye selaqaique qome ca lataxac da yaqto' saishet da nache 'eetai' da nquictauec namayepi, cha'aye saiuena'a da huo'otaq huo'o ca alaataxac, nache namayepi ỹalegoigui ca qampa'aguenaxauapi, nache qomi' deloguito qataq nache ca'ai ne'ena 'alhua.»

Éxodo 1:10 Referans Kwoze

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Proverbios 1:11

Da huo'otaq 'am 'enapega 'eeta': «'Aỹala, qomi' 'auca'ateguelo, cha'aye sauoqtaique da sauoqo'o ca secachaqot, qataq salauataq ca qaica ca ỹauotaique.

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.

Salmos 10:2

Ỹataqta na'amaqten na qauemaic da icaatac na qaica ca ye, qalaxaye maiche que'emaxam qome aca lqoina.

Hechos 23:12

Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Proverbios 16:25

Huo'o ca nqa'aic maye 'eeta'am da ỹashectec, qalaxaye ca loga't camaye huetaña da nleuaxa.

Da na'aqtaguec so Job 5:13

Ñimaye que'emaxam naqa'en ca ỹo'ot cam sanqalaate' da ỹo'ot na qauemsat, qataq ỹo'otec da saishet da ipaiguilo naua qauema maye huotaique da ỹo'o't.

Números 22:6

Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»

1 Samuel 29:4

Qalaxaye so lataxala'pi so filisteopi dalemataỹa so Aquis nache 'enapega, 'eeta': 'avi'eguelaxata qome namaye cam 'aỹa'anem 'alhua, qaq saishet da 'aua'aqta'a da qomi' ca'ateguelo, cha'aye saiuena'a da huo'otaq seloquiaq nache ishet da qomi' dataỹa'agueta, nache ishet da qaltaq nmanaqchet ñi Saúl da irotaua'a ca lqaicpi na qanalleppi.