Ester 9:4 - La'aqtaqa Ñim Lo'onatac 'Enauacna 2013

⁴ cha'aye so Mardoqueo, mashe huo'o da la'amaqchec da hueta'a so lma' lta'araic so nta'a, qataq da na'aqtaguec mashe imauec da qaỹaỹaten 'enauac so 'alhuapi, qaq nacheye ye na'a'q da nquictauec da la'añaxac.

Toba del Oeste

⁴ Qa'a yemeda naa'me 'nachaqa'te dijo' aleua, yataqata qoyayaten da'me male 'uo da'me lejaliaĝa ñe'me Mardoqueo, nataq'aen da'me nach'e eta't nichiquetaye da'me lejaliaĝa.

Ester 9:4 Referans Kwoze

1 Crónicas 11:9

Qaq da la'añaxac so David, ỹataqta nquictauec, cha'aye Ñim Nataxala' maye qaica ca Ỹaqalanapec hueta'aguet somaye.

2 Samuel 3:1

Qaq de'era 'eetec co'ollaxa da nalattega't so llalaqpi so Saúl qataq so David ỹataqta qaỹoqtec. Qalaxaye so David nquictauec da la'añaxac, qaq so llalaqpi so Saúl qalaq nquicta'a't da la'añaxac.

Sofonías 3:19

Qaq que'eca na'a'q nache, Aỹem sepa'aiguet da sataỹa'aguet nam 'am saq ñaxaasheguem. Setauan qome aca qagueta maye huaỹotta qataq llaỹona't anam isomtac; nache nmeneguet ñaqa'en, da huo'o naq 'enec qataq llo'oxoyec, da huetalec ana 'alhua maye saiyacnapec co'ollaxa.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Salmos 18:43

Aỹem 'anca'alaxateeguesop da l-loquiaxac na shiỹaxauapi. Qataq aỹem 'aỹa'anem da aỹem lataxala' na ỹotta'a't shiỹaxauapi ana 'alhua, qataq aỹem do'onataxaatacot na shiỹaxauapi maye saishet da sauatton.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

1 Crónicas 14:17

Huaña nache da llo'oxoyec so David ỹataqta imattalec yi'iye 'alhuapi, qataq Ñim Nataxala' ỹo'ot da 'enauac nam ỹotta'a't shiỹaxauapi ñi'iỹa somaye.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Ester 10:2

Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia.

Éxodo 11:3

Nache Ñim Nataxala' ỹanem da so Egipto le'ecpi ỹataqta huo'o da lqouagaxa so Israel le'ecpi. Nataqa'en so ltauapi so faraón ỹataqta sa latetapec so Moisés, 'eeta'am naqa'en ca ỹale maye huo'o naq 'enec, nache 'eeta'am nataqa'en da lhuennataxac 'enauac so Egipto le'ecpi.

Salmos 92:13

Qataq ñaxattalec ye lma' Ñim Nataxala', qataq dasovi da netaña ye nqasoxoc Ñim Qanatamnaxala'.