Ester 9:30 - La'aqtaqa Ñim Lo'onatac 'Enauacna 2013

³⁰ nache asa'aso nere qaỹamaxa 'enauac so judiopi, maye netalec so ciento veintisiete 'alhuapi maye ilotague' so nta'a Asuero, qaq asomaye huetaleguete naua na'aqtaqa maye ỹataqta qaỹamaategueta qataq huesotte',

Toba del Oeste

³⁰ Nach'e ena'am uaye da'me 'lamaqatenataĝanaĝac jañe'me Ester chayovida'a da'me lepagaĝac, qama'le qoyamaĝalo yemeda jogaa'me judiopi jo'ne uo'oe, naa'me ciento veintisiete ale'u jo'ne uedaue ga'me lejaliaĝa ñe'me Asuero.

Ester 9:30 Referans Kwoze

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Ester 8:9

Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

Isaías 39:8

Nache so Ezequías, 'enapeco': Dam la'aqtac Ñim Nataxala' maye aỹem 'anda'a ỹataqta ỹaỹamaqchiguiñi. Somaye 'enapec de'era cha'aye ipettega da ñaq huo'o da nachaalataxac, nache huo'o da nlagaxayec qataq da ñe'emaxa.

Génesis 23:1

Qaq aso Sara, ivi' co'ollaxa soua ciento veintisiete vi'iye da nachaalataxac,

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Isaías 32:17

Nache dam nalochiguiñi lataxac chegoqchigui qome da nlagaxayec, ñe'emaxa qataq chochaq tatec da qaica ca qandaqtaique.