Ester 9:27 - La'aqtaqa Ñim Lo'onatac 'Enauacna 2013

²⁷ nache so judiopi lapaxañi co'ollaxa de'era lataxac da yaqto' lalamaxat somayepi, qataq cam llalaqpi, qataq 'enauac cam ishet da taigui na judiopi, da 'enauaque naua vi'iye da ỹo'oxoren se'esoua na'axa'te, qataq da ipacchigui da ỹo'ot da ivireugalo se'esoua na'axa'te, ipacchigui dam napaxaguenataxanaxac maye qoỹanem co'ollaxa,

Toba del Oeste

²⁷ qama'le yataqata 'yamaqate'n da'me qoya'uo neualayaĝac yemeda naa'me 'uoidi naa'me naajo' noloqo'ote, qaedi yataqata qouenata da'me 'uo namaic ca'li, chayovida'a da'me nach'e eta't da'me qoyapaĝagueneque jena'me jenjo' gaa'me ñoqolqapi jo'ne 'niyidiñe qomle, nataq'aen jogaa'me jetaque tauelo gaa'me judiopi.

Ester 9:27 Referans Kwoze

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Isaías 56:6

Qaq na chegaqauec shiỹaxauapi maye aỹem nañanot da aỹem do'onataxanot qataq Aỹem ỹauotec, da yaqto' ỹamaxashecpi, namayepi da huo'o naq 'enec naqa'en ye na'a'q mataxaqui qataq saishet da ca'ai da ñaỹamaxataxac,

Isaías 56:3

Da huo'o ca shiỹaxaua maye chegaqauec da nañanot Ñim Nataxala', nache saishet qome da, 'eeta': «Ñim Nataxala' saishet qome da aỹem ỹalecnoigui na lalamaxat nhuo' le'ecpi.» Nache 'ena'am ca qaicaua naua lola saishet qome da, 'eeta': «Aỹem shena'am aca qo'oipaq deqaqta.»

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Zacarías 8:23

Qaq que'eca na'a'q, na qalota ỹotta'a't shiỹaxauapi maye ỹotta'a't na la'aqtacpi, ỹacootaua'a qome ca lapo' laỹe ñi 'oonolec judío, nache 'enapega 'eeta': ‹¡Qomi' 'aua'aqta'alo da 'am seca'ataxague, cha'aye saỹatenaq da Ñim Lo'onatac 'Enauacna qami' hueta'agueta!›»

Ester 9:21

nache ỹamaxalec da ye 'oonolec vi'i, nache ỹo'ot ca na'ashaxac da ivireuga se'eso na'a'q catorce, qataq quince som ca'agoxoic Adar,

1 Samuel 30:25

Qaq nache huaiguio' se'eso na'a'q da so David lapaxañi de'era lataxac da huo'o ca loquiaxac, qaq so Israel le'ecpi nache queta da ỹo'ottac, choche ivitta'a nagui.

Josué 9:15

Huaña nache so Josué naỹamaxateto soua Gabaón lashe', nache ỹan so la'aqtac da saishet da huo'o ca 'ena'aque qataq da ichoxore'n da nachaalataxa'c. Nataqa'en se'eso lataxala'pi so Israel le'ecpi ỹaỹamaxareeta de'era aỹamaxataxac.

Deuteronómio 5:3

Qaq saishet da nachaqsota so hua'au qartalpi da naỹamaxate' co'ollaxa Ñimaye, maye nataqa'en qomi' maye souaqta'a nagui ne'ena.

Ester 9:20

Qaq so Mardoqueo ỹeyiñi co'ollaxa de'era qanayeuaigui, nache ỹamaxa aso lerepi 'enauac so judiopi maye hueta'a so 'alhuapi maye ilotague' so nta'a Asuero, som saqaỹapeque qataq so qaỹoqtapi,

Ester 9:28

qataq saishet da qaicoua'aisalo se'esoua na'axa'te, da qaỹo'oxore'n dam qotata'ague, 'enauac so nhuo' le'ecpi, qataq 'enauac so 'alhuapi, qataq so huaqta'a't nỹecpi maye ỹotta'a't naua nañalo, yaqto' na judiopi qataq cam chegoxoguetpi, saishet qome da icoua'ai damaye.

Números 15:15

Qaq de'era qalapaxañi lataxac, nacherata 'oonolec da qauo'ocheetac qome, qataq ca chegaqauecpi maye qami' ỹalectaiguilo. Qaq 'era da chochaq tatec lataxac maye qalapaxañi, da yaqto' qami' qataq ca qami' chegoxogueta, nache 'eetai' qome da ỹo'ottac. Cha'aye qami' qataq ca chegaqauecpi, nache qoñiita'a't da qoviito'ot Ñim Nataxala'.

Jueces 11:40

Qaq ỹoqo'oye so Israel le'ecpi nache chegoqta'a co'ollaxa de'era, da queto'ot da ỹo'ottac ye 'oonolec vi'i na qa'ampi da iviraxattrec naua cuatro na'axa'te da nỹeeteguelec aso llale so Jefté.

Salmos 78:7

yaqto' ỹataqta ỹauo'o da naquitaxac Ñim Lo'onatac 'Enauacna, nache saishet da icoua'ai nam ỹo'otpi Ñimaye, qataq ỹataqta ỹalaxalec na lamaxasoxonaxacpi.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Ezequiel 16:61

Qaq qom 'am sanem da 'eeta'am aca 'aỹa'ale aso 'arqaỹa ỹe, qataq aso 'arqaỹa na'asa, qaq na'aictaxa da som qanaỹamaxataxac saishet da Aỹem ỹamaqtalec da so'oteque de'era soomaye, qaq huaña qome nache tachigui 'arhuel som hua'au 'arataxac, nache huo'o da 'ara'agaxa.