Ester 9:25 - La'aqtaqa Ñim Lo'onatac 'Enauacna 2013

²⁵ qalaxaye aso Ester, co'ollaq nachaateua'a so nta'a, nache so nta'a ỹeyiñi so lamaxasoxonaxac, da 'enauac nam qauem lhuennataxacpi so Amán, da huotaique ỹo'otec so judiopi, da maiche talec so Amán. Qaq 'era da 'eetec da so Amán, qataq soua llalqa da qaicoñeldasheguemec co'ollaxa aso 'epaq.

Toba del Oeste

²⁵ Qalaĝaja ca'li noma'a joñe'me jaliaĝanec Asuero da'me eeta da'me lelnataĝac ñe'me Amam, qama'le ya'uo joga'me lamajoĝonaĝac 'me yataqata qoyediñe, qaedi qoyen nedo'oguet joñe'me Amam da'me yataqata ja no'en jo'ne te'me 'lonataĝanaĝac ca'li, qama'le Amam nataq'aen gaa'me lec'oqo'te yataqata qoyecoñededajeguem ca'li.

Ester 9:25 Referans Kwoze

Salmos 7:16

Qaq nam qauem maye ỹo'ottac maiche talec qome namayepi, qataq maiche que'emaxam qome da l-loquiaxac.

Mateo 21:44

Da huo'o ca camachaqca tatelec so coma' maye ỹo'otan co'ollaxa so do'oxonaxaatacpi, nache camaye dolachigui. Qataq se'eso coma' da huo'otaq huo'o ca tatelec, nache ỹataqta dolachigui naqa'en.

Salmos 141:10

Ñaq maiche lpachigui qome na lqoinaxanaxatpi na qauemaicpi, aỹem qalaq nache ashecta qome.

Salmos 140:9

Nam aỹem icaatacpi, qalaq maiche talec qome na qauem la'aqtacpi.

Ester 7:5

Nache so Asuero denataxan, 'eeta': ¿Negue't camaxa, qataq hua'ague ca neta'ague cam huotaique da ỹo'ot de'era maye ỹataqta lta'araic?

Ester 3:6

qalaxaye souaxat da somaye mashe qaỹa'aqtaxanem co'ollaxa da so Mardoqueo Judá le'ec, nache lhuennataxac da sa ỹaỹamaxañi da nachesota somaye da ỹauo'o ca nhuaxanaguec, nache nmitaique ca lataxac da ỹalauat 'enauac so Judá le'ecpi, maye hueta'a so 'alhuapi maye ilotague' so Asuero.

Ester 7:4

cha'aye na ihuo' le'ecpi qataq aỹem, qomi' qaime'n da yaqto' imauec da qomi' qailaxachiguilo. Taxa da qomi' qaime'n da yaqto' qomi' nlataqa, nache qaica taxa ca ỹa'aqtac, cha'aye ñim qomi' ipa'agueeta'ape, saishet taxa da na'axat da 'aro'onataxanaxac 'am nta'a.

Salmos 140:8

'Am Nataxala', saishet qome da 'aỹa'anem ca 'eetapeguec na qauemaicpi, saishet da 'auashenem da nquictauec nam lapaqtapiguiñepi, yaqto' saishet da ño'oxoreetai'.

Isaías 22:25

Qalaxaye que'eca na'a'q, ñeuec qome aca'aca clavo maye ỹataqta qaramchiguiñi ca netaña cha'aye qanqat qome acamaye nache naañi, nache 'enauac cam ỹemaqtaua'api acamaye dolagui qome.» Qaq 'era da la'aqtac Ñim Nataxala'.

1 Samuel 25:39

Qaq so David co'ollaq la'axaỹaxac da ileu so Nabal, nache 'enapeco': ¡Ỹataqta soxoraic Ñim Nataxala', cha'aye ỹe'eguelaxateguet da qauem maye aỹem ỹo'otec co'ollaxa ye Nabal! ¡Ñimaye aỹem ỹeltaxaneguet da so'ot ca qauem, qalaxaye ỹo'ot da maiche talec naqa'en da qauem ye Nabal! Ime, nache so David ỹamaxa so la'aqtac aso Abigaíl da ỹauotaique da lhua.

1 Reyes 8:32

qaq 'am maye qoneta'a na piguem 'aua'axaỹa qome camaye nache 'anmit, qataq 'auo'otec ca ỹaỹamaqchiguiñi na 'aramaxashecpi. Qalaxaye 'auo'ot ca nhuaxanaguec cam huo'o ca lasouaxashet, nache talec 'anqa'en ca nhuaxanaguec souaxat ca qauem maye ỹo'ottac, qaq ca qaica ca ỹasouaxat qalaq 'auo'otec ca ỹaỹamaqchiguiñi.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Salmos 7:17

Aỹem qalaq sho'oxoren Ñim Nataxala', cha'aye Ñimaye nalochiyiñi da lataxac naua ỹo'o't, qataq so'on da le'enaxat Ñim Nataxala', maye Nataỹaña 'enauacna.

Salmos 94:23

Ñimaye ỹo'ot qome da maiche talec namayepi da lle'etaxaloxo, qataq nam qauemsat maye ỹo'ottac maiche nlaxaañi namayepi. Ñim Nataxala' maye Qanatamnaxala' ilaxachigui qome namayepi.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Proverbios 26:27

Ca ỹo'ot aca lshere qalaq maiche tangui acamaye, qataq ca ỹamaqtac aca coma' nache aca'aca coma' maiche ipataxañi camaye.

Abdías 1:15

Qalaxaye mashe sa qaỹapeque ca na'a'q da Ñim Nataxala', nmit na ỹotta'a't shiỹaxauapi. Qaq dam 'auo'ot nataqa'en 'am qaỹo'otec qome, nache 'am talec ca 'ansheetenaguec.