Ester 9:22 - La'aqtaqa Ñim Lo'onatac 'Enauacna 2013

²² 'eeta'ama soua na'axa'te co'ollaq so judiopi, dataỹa'aguet so mpa'aguenaxauapi, da yaqto' huo'o da l-lagaxayec, qataq 'eeta'am som ca'agoxoic maye huaigui so laquicoxo, qataq so la'alaxac souaxat da nqui'ic, maye nmeneguet da lta'araic lamaicỹaxac qataq na'ashaxac. Qaq que'ecaua na'axa'te, iuen da qaỹo'ot ca nquia'axac qataq ca namaicỹaxac, qataq nache huetoiguilo da ñi 'oonolec, ỹauo'o ca nme ca lỹa, qataq qaitauan na choxoraqpi.

Toba del Oeste

²² Qa'a qouenatalo gaa'me noloqo'ote ca'li gaa'me judiopi male qaya da'me lachoĝode'j uotaĝa ta'le totelo'te, dite da'me 'uo ga'me namaic chayovida'a 'nemaĝac. Naajo' noloqo'ote jo'ne yauote neualayaĝac, onolqa'tape yache't gaa'me laqaya' nataq'aen lecochiyalo jogaa'me qaya'te yauata.

Ester 9:22 Referans Kwoze

Salmos 30:11

Cha'aye da ñenoinaxac nmeneguet 'anqa'en da ỹasotaxac, qataq 'anqa't soua ỹasouaxaqui' aỹogo nache aỹem 'aỹa'anguilo soua no'o'n aỹogo.

Gálatas 2:10

Qaq nachaqrata da qomi' iỹaxanoto da seuennataqa'a da setauanaq na choxoraqpi maye 'amqaanataxanaxaicpi ye Jerusalén. Qaq damaye nachera ñepogoxoinaqtapegue' da so'otaq.

Isaías 14:3

Qami' Israel le'ecpi, qom ivita ca na'a'q da Ñim Nataxala' qami' nmataxaneguesopa da qanque'eenaxaqui, dam qaraquicoqoi qataq da ỹataqta qauem qanlataguiiqui maye qami' qoỹanegueta co'ollaxa,

Ester 9:19

Qalaxaye so judiopi maye netauga so no'onaxa, qataq som netaigui so nma'piolec maye qaica ca lpaqtaxat, ỹo'ot se'eso na'a'q catorce som ca'agoxoic Adar, da laloxoqui naqa'en so lquia'axac qataq da lamaicỹaxac, nache ñi 'oonolec ỹachet ñi lỹa, ỹauo'o na nme.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Mateo 5:4

Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

Salmos 103:2

Ỹataqta semato'ot da ñachaalataxac da sho'oxoren Ñim Nataxala', qataq saishet da secoua'ai ca 'oonolec na ltaunaxanaxacpi Ñimaye.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

Ester 9:21

nache ỹamaxalec da ye 'oonolec vi'i, nache ỹo'ot ca na'ashaxac da ivireuga se'eso na'a'q catorce, qataq quince som ca'agoxoic Adar,

Ester 9:23

Qaq so judiopi, ỹasateguet da ipacchigui da ỹo'ot som lamaxasoxonaxac so Mardoqueo.

Deuteronómio 15:7

Qaq da huo'otaq huo'o ca choxoraq da netaña ca qonetaigui huaqta'a't nỹecpi ca 'alhua maye 'am ỹami' Ñim Nataxala', maye 'Anatamnaxala', nache saishet da 'aua'añaxattagui añi 'arquiyaqte da sa 'auchoxoren, qataq sa 'autauan que'eca choxoraq,

Deuteronómio 16:14

Nache qauamaichiguiñi qome da qauo'oche que'eca naponaxac, qataq qaualliquiita'aguet ca qaỹa'alquipi, qarlataquipi, leviitapi, qataq ca chegaqauecpi, saploqpi, qataq aca pa'aipi maye netaña cam qoñiitaigui huaqta'a't nỹecpi.

Deuteronómio 16:15

Qaq nache siete na'axa'te da qavio'oxoyiñiitac qome Ñim Nataxala' maye Qanatamnaxala'ai, huaña ca lca'ateua'a Ñimaye da lanataqa', yaqto' qami' ỹanema ca qanchoxonnataguiiqui chegoqchigui naqa'en na ala aca qorañiguishi, qataq da qaro'onataxanaxaqui, nache da qarlagaxayiqui ỹataqta nalochiguiñi qome.

Salmos 30:12

Ỹoqo'oye 'Am Nataxala' maye 'Am Ñatamnaxala', aỹem saishet da nache 'eetai' da she'emaqtom, aỹem so'onaxan da yaqto' 'am sho'oxoren, qataq nache 'eetai' da 'am saatacot da ña'achecỹaxac.

Salmos 37:15

Qalaxaye na maiche lainec namayepi, maiche ỹa'ayigui qome añi lquiyaqte, qataq na lchecnecpi ỹataqta huacaigui qome.

Salmos 149:7

da yaqto' ỹo'ot ca lvi' da ỹe'eguelaxateguet na ỹotta'a't shiỹaxauapi, qataq ỹauo'o ca nhuaxanaguec na nhuo' le'ecpi,

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!