Ester 9:19 - La'aqtaqa Ñim Lo'onatac 'Enauacna 2013

¹⁹ Qalaxaye so judiopi maye netauga so no'onaxa, qataq som netaigui so nma'piolec maye qaica ca lpaqtaxat, ỹo'ot se'eso na'a'q catorce som ca'agoxoic Adar, da laloxoqui naqa'en so lquia'axac qataq da lamaicỹaxac, nache ñi 'oonolec ỹachet ñi lỹa, ỹauo'o na nme.

Toba del Oeste

¹⁹ Qama'le naq'aeta da'me yauote ca'li jogaa'me judiopi: jogaa'me jo'ne qaya'alo, ue'talo gaa'me 'nachaqa'te laqaya', yauote neualayaĝac ga'me nolo' catorce, auoĝoic jo'ne Adar, qama'le onolqa'tape yache't gaa'me laqaya'.

Ester 9:19 Referans Kwoze

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Ester 9:22

'eeta'ama soua na'axa'te co'ollaq so judiopi, dataỹa'aguet so mpa'aguenaxauapi, da yaqto' huo'o da l-lagaxayec, qataq 'eeta'am som ca'agoxoic maye huaigui so laquicoxo, qataq so la'alaxac souaxat da nqui'ic, maye nmeneguet da lta'araic lamaicỹaxac qataq na'ashaxac. Qaq que'ecaua na'axa'te, iuen da qaỹo'ot ca nquia'axac qataq ca namaicỹaxac, qataq nache huetoiguilo da ñi 'oonolec, ỹauo'o ca nme ca lỹa, qataq qaitauan na choxoraqpi.

Deuteronómio 16:14

Nache qauamaichiguiñi qome da qauo'oche que'eca naponaxac, qataq qaualliquiita'aguet ca qaỹa'alquipi, qarlataquipi, leviitapi, qataq ca chegaqauecpi, saploqpi, qataq aca pa'aipi maye netaña cam qoñiitaigui huaqta'a't nỹecpi.

Deuteronómio 16:11

Qataq qauamaichiguiñi qome, ỹauaachigui qanqa'eñi Ñim Nataxala' maye Qanatamnaxala'ai, qataq huaña ca lca'ateua'a da lanataqa', nache qaualliquiita'aguet nam qaỹa'alquipi, qarlataquipi, leviitapi, qataq na chegaqauecpi, saploqpi qataq ana pa'aipi maye qami' netaiguilo.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Zacarías 2:4

nache 'enapega som namaxashec maye aỹem nallegoqtot, 'eeta': «'Auachegaqañi da 'aucaalec se'eso nsoqolec, maye ỹachetac so naloqnaxanaxat da huo'o na qanaloqten, nache 'aua'aqtaxanem, qoneta': ‹Na Jerusalén qaltaq ỹe'eguelaxa qome da qanayenaña, qaq ỹataqta qalota qome na hueta'a shiỹaxauapi qataq na na'atetpi, nache ivitta'a qome da qaica ca lpaqtaxat.

Deuteronómio 3:5

Qaq 'enauac se'eso huaqta'a't nỹecpi qaỹoqotcheguemec co'ollaxa so lpaqtaxat, qataq so lpaqtaxat so lasompi, qataq saishet da ñaloqtenaq so laỹe huaqta'a't nỹecpi maye qaica ca lpaqtaxat.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

Ester 9:20

Qaq so Mardoqueo ỹeyiñi co'ollaxa de'era qanayeuaigui, nache ỹamaxa aso lerepi 'enauac so judiopi maye hueta'a so 'alhuapi maye ilotague' so nta'a Asuero, som saqaỹapeque qataq so qaỹoqtapi,

Deuteronómio 15:7

Qaq da huo'otaq huo'o ca choxoraq da netaña ca qonetaigui huaqta'a't nỹecpi ca 'alhua maye 'am ỹami' Ñim Nataxala', maye 'Anatamnaxala', nache saishet da 'aua'añaxattagui añi 'arquiyaqte da sa 'auchoxoren, qataq sa 'autauan que'eca choxoraq,