Ester 9:18 - La'aqtaqa Ñim Lo'onatac 'Enauacna 2013

¹⁸ Qaq so judiopi maye hueta'a ye Susa, laỹona't co'ollaxa so na'a'q trece qataq so catorce se'eso ca'agoxoic, nache somayepi nmatec so na'a'q quince, nache nataqa'en ỹo'ot da laloxoqui naqa'en se'eso na'a'q so lquia'axac, qataq da lamaicỹaxac.

Toba del Oeste

¹⁸ Qalaĝaja jogaa'me judiopi jo'ne ueteda'a di'me Susa yauote lojaĝa'j jo'me nolo' trece nataq'aen catorce qaedi necochiya't, qama'le jo'me nolo' quince yataqata 'nomatedegue nataq'aen yauote leualayaĝa'j ca'li.

Ester 9:18 Referans Kwoze

Ester 9:21

nache ỹamaxalec da ye 'oonolec vi'i, nache ỹo'ot ca na'ashaxac da ivireuga se'eso na'a'q catorce, qataq quince som ca'agoxoic Adar,

Ester 9:15

Qaq so judiopi maye hueta'a ye Susa, qaltaq ỹe'eguelaxalec da laỹona't huaigui so na'a'q catorce, so ca'agoxoic maye le'enaxat Adar, qaq huaña yemaye da qaltaq ỹalauat so trescientos ỹalleppi, qalaxaye saishet da huo'o ca qoỹena'ac so logoxoshetpi somayepi.

Ester 9:13

Nache aso Ester ỹasat, 'eeta': 'Am nta'a, da 'auaỹamaxareeta de'era, nache 'auasheetem na judiopi maye hueta'a ye Susa da ỹo'ot qonte' ca 'eeta'am de'era qalapaxañi lataxac, qaq nache qaicoñeldashegue'm qome soua diez llalqa so Amán.

Ester 9:1

Qaq so na'a'q trece, som ca'agoxoic doce, maye le'enaxat Adar, nacheso so qoỹecchiguiña da ipacchigui qanqa'en so lamaxasoxonaxac so nta'a, qaq nacheso nataqa'en som na'a'q maye som mpa'aguenaxauapi so judiopi, iuatta'aguet da yaqto' loxonec somayepi, qalaxaye damaye saipaigui cha'aye so judiopi loxonec co'ollaxa se'eso mpa'aguenaxauapi.

Ester 9:11

Qaq nacheso se'eso na'a'q, co'ollaq so nta'a ỹaỹaten ye lcata so ileupi maye huaña so huaqta'a't nỹecpi ye Susa,

Ester 8:11

Qaq asomaye nache huetalec da la'aqtac so nta'a da ỹamaxalec so judiopi, da laỹona't maicheye cam hueta'a som huaqta'a't nỹecpi maye ỹotta'a't naua nañalo, da yaqto' npaxaalec da maiche nachaalataxac, qataq ỹalauat, ilaxachigui, nmichiguiñi naqa'en, qataq deuotaxanec nam logoxoshetpi cam shiỹaxauapi maye na'atchiguiñi na lo'ogoxonaxatpi, maye hueta'a ca camachaqca nam 'alhuapi da iloquiaxan somayepi, qataq saishet da huo'o ca naigui naqa'en na 'alpi qataq na ñaqpiolec.

Ester 9:2

Qaq 'enauac so 'alhuapi maye ilotague' so nta'a Asuero, so judiopi laỹona't da hua'a so maiche lalamaxat huaqta'a't nỹecpi maye ỹotta'a't naua nañalo, da yaqto' iloquiaxan som huotaique da ỹo'otec namayepi ca qauem. Qaq qaica co'ollaxa ca ishet da dataỹa'aguet somayepi, cha'aye 'enauac so shiỹaxauapi da ỹataqta nlaxagui da lli'iỹaxa.