Ester 9:15 - La'aqtaqa Ñim Lo'onatac 'Enauacna 2013

¹⁵ Qaq so judiopi maye hueta'a ye Susa, qaltaq ỹe'eguelaxalec da laỹona't huaigui so na'a'q catorce, so ca'agoxoic maye le'enaxat Adar, qaq huaña yemaye da qaltaq ỹalauat so trescientos ỹalleppi, qalaxaye saishet da huo'o ca qoỹena'ac so logoxoshetpi somayepi.

Toba del Oeste

¹⁵ Chane'eja jogaa'me judiopi jo'ne ueteda'a di'me Susa male yema'a't ca'li joga'me nolo' jo'ne catorce, auoĝoic jo'ne Adar, qama'le qoyala't jogaa'me trescientos jiyaĝadipi, qalaĝaja ja qoyacota joga'me loĝo't.

Ester 9:15 Referans Kwoze

Ester 9:10

soomaye nachesoua soua diez llalqa so Amán, som ipa'agueetac co'ollaxa so judiopi, qalaxaye saishet da huo'o ca qoỹena'ac som lalamaxat logoxoshetpi.

Ester 8:11

Qaq asomaye nache huetalec da la'aqtac so nta'a da ỹamaxalec so judiopi, da laỹona't maicheye cam hueta'a som huaqta'a't nỹecpi maye ỹotta'a't naua nañalo, da yaqto' npaxaalec da maiche nachaalataxac, qataq ỹalauat, ilaxachigui, nmichiguiñi naqa'en, qataq deuotaxanec nam logoxoshetpi cam shiỹaxauapi maye na'atchiguiñi na lo'ogoxonaxatpi, maye hueta'a ca camachaqca nam 'alhuapi da iloquiaxan somayepi, qataq saishet da huo'o ca naigui naqa'en na 'alpi qataq na ñaqpiolec.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

Ester 9:16

Qaq nataqa'en so laỹepi judiopi maye hueta'a so laỹepi 'alhuapi, laỹona't co'ollaxa, nache naỹamaxat da mpaxaalec da nachaalataxac, qataq dataỹa'aguet so mpa'aguenaxauapi, nache ỹalauat so setenta y cinco mil somayepi, qalaxaye saishet da huo'o ca ỹacona so logoxoshetpi somayepi.

Ester 9:13

Nache aso Ester ỹasat, 'eeta': 'Am nta'a, da 'auaỹamaxareeta de'era, nache 'auasheetem na judiopi maye hueta'a ye Susa da ỹo'ot qonte' ca 'eeta'am de'era qalapaxañi lataxac, qaq nache qaicoñeldashegue'm qome soua diez llalqa so Amán.

Ester 9:2

Qaq 'enauac so 'alhuapi maye ilotague' so nta'a Asuero, so judiopi laỹona't da hua'a so maiche lalamaxat huaqta'a't nỹecpi maye ỹotta'a't naua nañalo, da yaqto' iloquiaxan som huotaique da ỹo'otec namayepi ca qauem. Qaq qaica co'ollaxa ca ishet da dataỹa'aguet somayepi, cha'aye 'enauac so shiỹaxauapi da ỹataqta nlaxagui da lli'iỹaxa.

Ester 9:12

nache 'enapega aso nate'e Ester, 'eeta': Nam judiopi ỹalauat so quinientos ỹalleppi, qataq soua diez llalqa so Amán, huaña ye huaqta'a't nỹecpi ye Susa. Qaq ¿chaq negue't ca lỹa ỹo'ot da huaña na laỹepi 'alhuapi maye selotague'? ¡Ñaq aỹem 'aua'aqtaxanem, negue't ca lỹa qonetapeguec, nache aỹem 'am sanem qome camaye!

Ester 9:14

Nache so nta'a damaxasoxoolec da nache qoỹeetec de'era. Nache se'eso qalapaxañi lataxac qaỹa'axatec ye Susa, nache soua diez llalqa so Amán qaicoñeldashegue'm.