Ester 9:12 - La'aqtaqa Ñim Lo'onatac 'Enauacna 2013

¹² nache 'enapega aso nate'e Ester, 'eeta': Nam judiopi ỹalauat so quinientos ỹalleppi, qataq soua diez llalqa so Amán, huaña ye huaqta'a't nỹecpi ye Susa. Qaq ¿chaq negue't ca lỹa ỹo'ot da huaña na laỹepi 'alhuapi maye selotague'? ¡Ñaq aỹem 'aua'aqtaxanem, negue't ca lỹa qonetapeguec, nache aỹem 'am sanem qome camaye!

Toba del Oeste

¹² qama'le joñe'me Asuero t'aqataĝanem jañe'me Ester, enaac: «Jena'me jenjo' Susa, naa'me judiopi joote yala't jogaa'me quinientos jiyaĝadipi, chayovida'alo gaa'me diez jo'ne lec'oqo'te di'me Amam. Qampaja'a yema jena'me jenjo' yejaliaĝa, ¿qo'li ja 'uo qomle joga'me ena'am? Qama'le jega: ¿jach'e ga'me yitaĝa auepaquetapega? Jayem a'uaĝatem joga'me aviyaĝanaque nayi, qama'le am janem jaĝa'te.»

Ester 9:12 Referans Kwoze

Ester 7:2

qaq so lỹa na'a'q nache huaigui se'eso nquia'axac da so nta'a 'enapega aso Ester, 'eeta': ¡Ñaq aỹem 'auỹaxanot cam qonetapeguec, qaq aỹem 'am sanem qome, na'aictaxa da tachiguingui na laiñi da ỹo'onataxanaxac!

Ester 5:6

Qaq co'ollaq huaigui so nquia'axac, nache so nta'a 'enapega aso Ester, 'eeta': ¡Ñaq aỹem 'auỹaxanot, maicheye cam 'auỹaxanaique, qaq aỹem 'am sanem qome, na'aictaxa da tachiguingui na laiñi da ỹo'onataxanaxac!

Ester 9:11

Qaq nacheso se'eso na'a'q, co'ollaq so nta'a ỹaỹaten ye lcata so ileupi maye huaña so huaqta'a't nỹecpi ye Susa,

Ester 9:15

Qaq so judiopi maye hueta'a ye Susa, qaltaq ỹe'eguelaxalec da laỹona't huaigui so na'a'q catorce, so ca'agoxoic maye le'enaxat Adar, qaq huaña yemaye da qaltaq ỹalauat so trescientos ỹalleppi, qalaxaye saishet da huo'o ca qoỹena'ac so logoxoshetpi somayepi.

Ester 5:3

nache so nta'a, inat asomaye, 'eeta': ¿Ta'ainec 'am, nate'e Ester? ¿Negue't cam qonetapeguec? ¡Aỹem 'am sanem qome cam 'auỹaxanaique, na'aictaxa da tachiguingui na laiñi da ỹo'onataxanaxac! Nache aso Ester ỹasateguet somaye, 'eeta':

Hechos 23:19

Nache so nta'a ỹacona na lhuaq so nsoq, nache iỹotauga. Nache inattac, 'eeta': –¿Negue't cam huotaique da aỹem 'aua'aqtaxanem?