9 Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.
Nache ỹamaq aso lerepi, ỹamaxa 'enauac so 'alhuapi maye ilotague', qaq nanettalec so maiche la'aqtac som hueta'a som 'alhuapi, qataq so nhuo' le'ecpi maye ilotague', nache huetalec asomaye da lamaxasoxonaxac da 'enauac na ỹalleppi da nache hueto'ot da huo'o da 'enec da hueta'a na lma'pi, qaq da detaxaỹapegue' na lauo' le'ecpi qalaq ỹauota'ai naua maiche lalamaqa'ate la'aqtaqa.
De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,
Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.
Nache so Eliaquín, Sebna, qataq so Yoaj ỹasategueta co'ollaxa so 'amaqtaqai nataxala' maye Asiria le'ec, 'eeta': Ña qomi' 'anqouagueeque da 'auauota'a na arameo la'aqtac da qomi' 'autaxaỹapegueto, cha'aye saỹatenaqtegueta naamaye. Qaq saishet da 'auauota'a na hebreo la'aqtac da 'autaqa, cha'aye 'enauac ne'ena shiỹaxauapi maye netasheguema na npaqtaxanaxat hua'aqtac.
Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,
So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai.