Ester 8:8 - La'aqtaqa Ñim Lo'onatac 'Enauacna 2013

⁸ Qaq nagui qami' samaxaleguete da qauauo'oi ca qa'iyiiñi qara'aqtaqui nache nanettalec qanqa'eñi da ỹe'enaxat, cam ỹataqta ỹaỹamaqchiguiñi qanqa'eñi da taalec na judiopi. ¡Nache aca'aca nere, qautoqñiilec aca ỹa'anaxanaqte! Qaq aca nere da huetalec da le'enaxat ca nta'a, qataq da qaitoqootalec aca la'anaxanaqte, nache acamaye saishet da qanlaxaañi.

Toba del Oeste

⁸ Chane'eja da'me ami, auauoyi adediijel qaedi qoya'uo joga'me auepaquitapegue'to jogaa'me judiopi. Yataqata auachiyalegue jaga'me yetouojoĝonaqate, qa'a qaya'te ta'le yitaĝa yapalaĝat joga'me joote qoyediñe jo'ne uaye joda'me yenaĝat nataq'aen jaga'me yetouojoĝonaqate.»

Ester 8:8 Referans Kwoze

Ester 1:19

Qaq ỹoqo'oye 'am nta'a, da ỹaỹamaqchiguiñi 'anqa'en da 'aỹa'an ca 'ara'aqtac, da qalapaxañi ca lataxac da yaqto' qaỹalecnoigui na nqataxacpi maye lalamaxat na Persia qataq na Media da yaqto' saishet da qanlaxaañi: Da aso nate'e Vasti saishet qome da qaltaq ỹe'eguelaxa da 'am nachaateua'a. Qataq da lo'onataxanaxac da nate'e qanqat qome, nache qoỹanem aca lỹa 'alo maye taiguet damaye.

Ester 3:12

Qaq so na'a'q trece so la'auaxanec ca'agoxoic se'eso vi'i, nache qaiỹaxaneuga so leraxanaxanecpi so nta'a, nache somayepi ỹeyiñi so lamaxasoxonaxac so Amán maye taỹa'a so nta'alpi maye ilotague' so 'alhuapi qataq som lataxala'pi som hueta'a so 'alhuapi. Qaq se'eso namaxasoxonaxac nanettalec da naneraguec, qataq naua lalamaqa'ate la'aqtaqa som netalec so 'alhuapi qataq so nhuo' le'ecpi maye qaỹamaxa, qataq nanettalec so nta'a Asuero qataq itoqootalec aso la'anaxanaqte,

Daniel 6:8

Qaq ỹoqo'oye nagui 'am nta'a, 'auo'ot qome da la'añaxac yi'iye qalapaxañi, qataq 'ananerelec, yaqto' saishet da qanaralaxat, yaqto' nateeteguet ye nanettañi nqataxac maye lalamaxat ye medos qataq ye persas, da saishet da qanlaxaañi.

Ester 8:5

nache, 'eeta': 'Am nta'a, da 'auaỹamaxareeta qataq da ỹaỹamaqchiguiñi 'anqa'en da iquiquiaxac, qataq da ỹataqta 'eesa 'am nta'a da aỹem 'auauotec, qataq aỹem 'anqopita, nache no'on qome da qoỹiyiñi ca namaxasoxonaxac da qanlaxaañi aso nereguishepi maye ỹamaq co'ollaxa so Amán, asom huetalec da qanmatchiguiñi na judiopi maye netalec nam 'alhuapi maye 'aulotague'.

1 Reyes 21:8

Qaq asomaye, nache sa naỹaloxon da ỹo'ot aso lere, nanettalec naqa'en so Ajab, qataq itoqoolec aso la'anaxanaqte somaye. Ime, nache ỹamaxa so nqueroxonecpi, qataq so nataxala'pi, som naigui so huaqta'a't nỹecpi maye naigui so lma' so Nabot.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Ester 8:10

Qaq aso nerepi nanettalec qanqa'en so le'enaxat so nta'a Asuero, qaq co'ollaq ime da qaitoqoolec aso la'anaxanaqte so nta'a nache qaỹamaq, ỹache qanqa'en so ỹalleppi maye netalec so caipi, maye ỹataqta qayaqaicpi maye chegaqaigui so lalopi so nta'a.