Ester 8:5 - La'aqtaqa Ñim Lo'onatac 'Enauacna 2013

⁵ nache, 'eeta': 'Am nta'a, da 'auaỹamaxareeta qataq da ỹaỹamaqchiguiñi 'anqa'en da iquiquiaxac, qataq da ỹataqta 'eesa 'am nta'a da aỹem 'auauotec, qataq aỹem 'anqopita, nache no'on qome da qoỹiyiñi ca namaxasoxonaxac da qanlaxaañi aso nereguishepi maye ỹamaq co'ollaxa so Amán, asom huetalec da qanmatchiguiñi na judiopi maye netalec nam 'alhuapi maye 'aulotague'.

Toba del Oeste

⁵ qama'le enaac: «Qom naq'aeta da'me adelnataĝac, nataq'aen auetapega chimaqachiñe jenjo' yajelaĝanaĝac, chayovida'a qom yataqata jayem a'uamaqaten, am jaliaĝanec, 'noota qom aua'uo adediijec qaedi qoyapalaĝat da'me lamajoĝonaĝac di'me Amam, da'me jetaque qoyala't gaa'me judiopi.

Ester 8:5 Referans Kwoze

Ester 7:3

Nache aso Ester ỹasat, 'eeta': 'Am nta'a, da aỹem 'auauotec, qataq da 'auaỹamaxareeta, nache 'oonolec da sheetapeguec qataq seỹaxaategueua'a 'am nta'a, aỹem 'anca'alaxatec, qataq nam ihuo' le'ecpi,

Ester 5:8

'Am nta'a, da aỹem 'auauotec, qataq da 'auasateguet dam sheetapeguec, qataq da aỹem 'aỹa'anem cam seỹaxaategueua'a, nache 'auanaỹa qonte' cam nquia'axac maye so'ot da 'am sho'oxoren, 'annaictague' qome so Amán. Qaq huaña qome nache so'ot cam 'auỹaxaatapegueua'a 'am nta'a.

Ester 2:17

Nache so Asuero ỹataqta nqopita co'ollaxa aso Ester, qaq saỹauano' da 'eetec de'era somaye da huo'o aca ỹataqta nqopita asom laỹepi 'alpi, qaq 'era da 'eetec so Asuero da ỹataqta nqopita asomaye, nache somaye ỹataqta itauan asomaye, saq 'ena'am aso laỹepi 'alpi maye mashe hueta'aguet co'ollaxa somaye, qaq ỹoqo'oye ỹanaxanaxangui asomaye aso aro'o, nache ỹanagui da nate'e da nmeneguet aso Vasti.

Ester 2:4

qaq acam qa'añole maye ñi nta'a ỹactec da nqopita, qaq nachaca qome aca qoỹanagui da nate'e, da talec da lo'onataxanaxac aso Vasti. Nache so nta'a ỹataqta ỹaỹamaxareeta co'ollaxa de'era nhuennataxac, nache damaxasoxoolec da qaỹo'ot damaye.

1 Samuel 20:29

Nache somaye 'eeta': 'Am ñachoxonnot da aỹem 'auasheeta da ashec, cha'aye ca ihuo' le'ecpi ỹavigaxat aca lachetaqtaxanaqte huaña ye Belén, qataq ca ỹaqaỹa aỹem 'enapega da salectauo. Nache aỹem sasheetec da jec somaye, ỹoqo'oye saishet da anac nagui da 'am lquia'axaua.

Éxodo 33:16

Cha'aye da saishet da qomi' 'annaicapegueto, nache ¿chaq 'eeteco' da aỹem, qataq na nhuo' le'ecpi da ishet da saỹatenaq da qomi' hueta'agueta da 'archoxonnataxanaxa? Da yaqto' saishet da shenaqta'am na laỹe nhuo' le'ecpi ana 'alhua.»

Éxodo 33:13

Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

Ester 3:1

Qaq co'ollaq mashe qaỹoqtegue de'era, nache so nta'a Asuero ỹauo'o da la'amaqchec so Amán, som llalec so Hamedata maye chegoxoguet so Agagueo, nache ỹanem da lo'onataxanaxac da lataxala' so nta'alpi ye qanayeeta'a 'alhua.