Ester 8:2 - La'aqtaqa Ñim Lo'onatac 'Enauacna 2013

² Qaq huaña nache so nta'a, nqat aso chiguishaqte maye hueto'ot co'ollaxa so Amán, nache ỹanem so Mardoqueo. Qaq aso Ester qalaq ỹanem so Mardoqueo da ilo'ogue 'enauac som logoxoshetpi co'ollaxa so Amán.

Toba del Oeste

² Qama'le joñe'me jaliaĝanec yacona jaga'me nechijaĝa jo'ne yanem ca'li ñe'me Amam, qama'le yanem ñe'me Mardoqueo. Nataq'aen jañe'me Ester male ye'tem joñe'me Mardoqueo qaedi yelolegue yema ga'me 'lonataĝanaĝac ca'li di'me Amam.

Ester 8:2 Referans Kwoze

Ester 3:10

Qaq huaña nache so nta'a, nqat aso nchiguishaqte nache ỹanem so Amán, som npa'aguenaxaua so judiopi,

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.

Génesis 41:42

nache so faraón nqat aso nchiguishaqte maye la'anaxanaqte maye netagui ana llaxaata, nache ỹanagui ana llaxaata so José. Ime, nache damaxasoxoolec da qoỹanaxanaxanguilo soua anogo maye chegaqaiguilo na lino, qataq qanqolanaxanaxaaña so nqolac oro.

Lucas 15:22

Qalaxaye so lta'a 'enapega so lamaxashecpi, 'eeta': ‹Sa qanaỹaloxoñi qome da qanqacheere'c caua no'o'n anogo. Ime, qaq qano'otaxanaxañi qataq qa'añiỹaigui ana llaxaata aca chiguishaqte qataq qauauo'oi caua lapela'ate.

Salmos 37:34

Qaq 'am 'auata'aguet qome Ñim Nataxala', qataq 'aupacchigui na 'eetapeguecpi, yaqto' Ñimaye 'am ỹo'oxoraq naqa'en, qom 'am ỹanem yi'iye 'alhua da 'aralamaxat. Qataq 'auauaachigui qome da qanlaxaañi na qauemaicpi.

Ester 8:3

Qaq co'ollaq ime, nache aso Ester, qaltaq detaxaỹot so nta'a, nache qapaloiguilo naua lchel so nta'a, nache ñettrañi naua lache' da nachoxoreetacot somaye da yaqto' nlaxaañi som qauem lamaxasoxonaxac so Amán, qataq da saipaguelec da ỹo'ot som lapaxañi lataxac maye dataỹa'aguet so judiopi.

Ester 10:2

Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia.