Ester 8:17 - La'aqtaqa Ñim Lo'onatac 'Enauacna 2013

¹⁷ Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Toba del Oeste

¹⁷ Yemeda naa'me noyaqa ca'li qoyayaten jena'me lamajoĝonaĝac ñe'me Asuero, gaa'me judiopi yataqata 'uo da'me lamai'j qama'le yauo'oe jogaa'me leualayaĝaco let'adayaqa. Chayovida'a da'me male qot'oiyalo gaa'me judiopi, qama'le uo'oe ca'li gaa'me jetaque quetede'egue jena'me lepe'e ladic.

Ester 8:17 Referans Kwoze

Ester 9:19

Qalaxaye so judiopi maye netauga so no'onaxa, qataq som netaigui so nma'piolec maye qaica ca lpaqtaxat, ỹo'ot se'eso na'a'q catorce som ca'agoxoic Adar, da laloxoqui naqa'en so lquia'axac qataq da lamaicỹaxac, nache ñi 'oonolec ỹachet ñi lỹa, ỹauo'o na nme.

Salmos 18:43

Aỹem 'anca'alaxateeguesop da l-loquiaxac na shiỹaxauapi. Qataq aỹem 'aỹa'anem da aỹem lataxala' na ỹotta'a't shiỹaxauapi ana 'alhua, qataq aỹem do'onataxaatacot na shiỹaxauapi maye saishet da sauatton.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

Deuteronómio 11:25

Nache qaica qome ca ishet da qami' dataỹa'agueta, cha'aye Ñim Nataxala' maye Qanatamnaxala'ai ỹo'ot da qami' qañi'iỹalo, qataq iviloxolaqchet naqa'en da lcolanaxa 'enauac na shiỹaxauapi, nache ipacchigui qome da la'aqtac Ñimaye.

Ester 9:27

nache so judiopi lapaxañi co'ollaxa de'era lataxac da yaqto' lalamaxat somayepi, qataq cam llalaqpi, qataq 'enauac cam ishet da taigui na judiopi, da 'enauaque naua vi'iye da ỹo'oxoren se'esoua na'axa'te, qataq da ipacchigui da ỹo'ot da ivireugalo se'esoua na'axa'te, ipacchigui dam napaxaguenataxanaxac maye qoỹanem co'ollaxa,

Ester 9:22

'eeta'ama soua na'axa'te co'ollaq so judiopi, dataỹa'aguet so mpa'aguenaxauapi, da yaqto' huo'o da l-lagaxayec, qataq 'eeta'am som ca'agoxoic maye huaigui so laquicoxo, qataq so la'alaxac souaxat da nqui'ic, maye nmeneguet da lta'araic lamaicỹaxac qataq na'ashaxac. Qaq que'ecaua na'axa'te, iuen da qaỹo'ot ca nquia'axac qataq ca namaicỹaxac, qataq nache huetoiguilo da ñi 'oonolec, ỹauo'o ca nme ca lỹa, qataq qaitauan na choxoraqpi.

Ester 9:2

Qaq 'enauac so 'alhuapi maye ilotague' so nta'a Asuero, so judiopi laỹona't da hua'a so maiche lalamaxat huaqta'a't nỹecpi maye ỹotta'a't naua nañalo, da yaqto' iloquiaxan som huotaique da ỹo'otec namayepi ca qauem. Qaq qaica co'ollaxa ca ishet da dataỹa'aguet somayepi, cha'aye 'enauac so shiỹaxauapi da ỹataqta nlaxagui da lli'iỹaxa.

Deuteronómio 2:25

Qaq nagui, nache chegoqchiguiña ñaqa'en da 'enauac na ỹotta'a't shiỹaxauapi maye netalec ana 'alhua da qami' ñi'iỹalo. Qataq da choche qami' hua'axaỹapegueleguete, nache ỹataqta iviloxolaqchet da lli'iỹaxa, qataq da lcolanaxa.›

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Ester 9:17

Qaq de'era huetoigui co'ollaxa so na'a'q trece so ca'agoxoic Adar, qaq so na'a'q catorce se'eso ca'agoxoic nache nmatec, qaq nache ỹo'ot da laloxoqui naqa'en se'eso na'a'q so lquia'axac, qataq da lamaicỹaxac.

Nehemías 8:10

Qaq so Esdras nataqa'en, 'eeta': «Qoquiiuo qome nache qauqui'i, qollequi ca ỹoqta no'on nallec, qataq qanỹomigui ca ama lataxa, qataq qauachichi qome ca ỹapac qaica ca aloq, cha'aye ne'ena na'a'q qoỹanot Ñim Nataxala'. Qaq saishet qome da qauaquicoitac, cha'aye da l-lagaxayec Ñim Nataxala' nachera da qara'añaxac.»

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

Josué 2:11

Qaq can sa'axasoqchigui de'era, nache ỹataqta qomi' sa ntoonaxanaxa'n da qayi'iỹaxa souaxat da qaica ca ishet da qami' dataỹa'agueta. Cha'aye Ñim Nataxala' maye Qanatamnaxala'ai, Ñimaye nacheñi Ñim Natamnaxala' na neta'ague da piguem qataq na netalec ana 'alhua.

Ester 9:3

Qaq 'enauac so nataxala'pi maye ilotague' so 'alhuapi, qataq so nta'alpi maye ilotague' so saq 'amaqtaq 'alhuapi, qataq so ltauapi so nta'a, qataq som huetalec da 'amaqtaqaic no'onataxanaxac maye do'onataxaatacot so nta'a, somayepi itauaatac so judiopi souaxat da ñe'etega so Mardoqueo,

Salmos 105:38

Nache so Egipto le'ecpi ỹataqta ntootapeguec da ỹauaateueegue da jec somayepi, cha'aye ỹataqta ñi'iỹa somayepi.