Ester 8:16 - La'aqtaqa Ñim Lo'onatac 'Enauacna 2013

¹⁶ qaq som judiopi, qalaq 'eeta'am da yo'oqchiguiñi naqa'en se'eso na'a'q, nache huo'o da ntonaxac, lamaicỹaxac, qataq da llo'oxoyec naqa'en.

Toba del Oeste

¹⁶ Chane'eja jogaa'me judiopi yataqata made'tape ca'li, nataq'aen yataqata qo'nonaĝachidegui jogaa'me.

Ester 8:16 Referans Kwoze

Salmos 97:11

Na yo'oqchiguiñi qalaq talec ca no'on da lataxac, qataq da namaicỹaxac talec ca ỹaỹamaqchiguiñi da lquiyaqteỹaxac.

Proverbios 11:10

Ca no'on da lataxac da ivita da qaica ca iueetac, nache machiguiñi naqa'en ca netaña ca huaqta'a't nỹecpi, qaq ca qauem da lataxac da ileu qalaq qantootapeguec.

Salmos 18:28

'Am Nataxala', aỹem 'ettalec 'anqa'en, 'Am Ñatamnaxala', aỹem 'aucoỹattalec da sootaigui na napalaxa.

Isaías 35:10

Qaq nam nca'alaxatecpi Ñim Nataxala', do'onaxaatagui qome souaxat da ntonaxac qom inoxoneua'a ye Sión, qataq nache 'eetai' qome da machiguiñi. Qaq huaña nache ỹanata da ntonaxac qataq da lamaicỹaxac. Nache da naquicoxo qataq da qui'ic imeuo qome.

Salmos 112:4

Ca no'on da lataxac qalaq qaicoỹattalec da huo'o na napalaxa, nataqa'en cam hualaxaunaxaic, choxonnataxanaxaic qataq ca nalochiguiñi da lataxac.

Ester 9:17

Qaq de'era huetoigui co'ollaxa so na'a'q trece so ca'agoxoic Adar, qaq so na'a'q catorce se'eso ca'agoxoic nache nmatec, qaq nache ỹo'ot da laloxoqui naqa'en se'eso na'a'q so lquia'axac, qataq da lamaicỹaxac.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Salmos 118:27

Ñim Nataxala' nacheñi Ñim Lo'onatac 'Enauacna, Ñimaye qomi' icoỹattaleguete. Qaq ỹoqo'oye qalapoñiỹa't qome, nache qauacheetauo aca qo'oipaq lcouepi, da qaroiua'alo naua lcoue añi nca'atoxonaxalate.

Salmos 30:12

Ỹoqo'oye 'Am Nataxala' maye 'Am Ñatamnaxala', aỹem saishet da nache 'eetai' da she'emaqtom, aỹem so'onaxan da yaqto' 'am sho'oxoren, qataq nache 'eetai' da 'am saatacot da ña'achecỹaxac.

Proverbios 28:12

Da ivita da dauegaxan na no'on da lataxac, nache qaỹo'ot ca lta'araic na'ashaxac, qaq da dauegaxan na qauem da lataxac, qalaq nqañoxooñi na shiỹaxauapi.