Ester 8:10 - La'aqtaqa Ñim Lo'onatac 'Enauacna 2013

¹⁰ Qaq aso nerepi nanettalec qanqa'en so le'enaxat so nta'a Asuero, qaq co'ollaq ime da qaitoqoolec aso la'anaxanaqte so nta'a nache qaỹamaq, ỹache qanqa'en so ỹalleppi maye netalec so caipi, maye ỹataqta qayaqaicpi maye chegaqaigui so lalopi so nta'a.

Toba del Oeste

¹⁰ Gaa'me nediijel qoyachaye da'me lenaĝat joñe'me jaliaĝanec, uaye jaga'me netouojoĝonaqate jo'ne mach'e nechijaĝa, qama'le qoyanema jogaa'me namaĝa's jo'ne yataqata yayate'n da'me nedalo'te jogaa'me pe'ga jo'ne vidiaqayaqa, mach'e jaliaĝanec lalopi.

Ester 8:10 Referans Kwoze

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Jeremías 51:21

'Am so'ogoxona da selaxachigui na caipi qataq na ỹalleppi maye netalec namayepi, qataq ana naigonapi qataq nam netangui anamayepi.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Isaías 66:20

Qataq anac naqa'en nam qarhuo'oi le'ecpi maye ỹalectaigui nam ỹotta'a't shiỹaxauapi, da yaqto' Aỹem naua'a, da 'eeta'am aca nachetaqtaxanaqte. Naua'a añim qui'itta ñeqasoxonaxa maye naña ye Jerusalén, huota'a na lalo caipi, naigonapi, qataq ana nauogonñiguishepi, 'ashenapi qataq ana nauanaxanaxapi, qaq nachetac nam qui'itta nhuenecpi da 'eeta'am naxa nam llalaqpi so Israel, da ndoua'a na lachetaqtaxanaxatpi ñi ima'. Qaq 'era da ỹa'aqtac Aỹem Nataxala'.

Isaías 60:6

Nache 'am nlaxagui qome ana cameellopi maye lalopi nam chegaqa'a ye Madián qataq ye Efa, qataq anac qome 'enauac nam chegaqa'a ye Sabá nachetac na lcat oro qataq na nchenaxanaxat maye ama na laita, nache ỹa'axatec qome nam huo'o da llo'oxoyec maye ỹo'otpi Ñim Nataxala'.

Eclesiastés 8:4

Cha'aye ca la'aqtac ca nta'a huo'o da la'añaxac, nache qaica ca ishet da nmit nam ỹo'otpi.

Da na'aqtaguec so Job 9:25

Naua ña'axa'te qalaq ỹataqta nqalgoqta'ape, 'eeta'ama ca qomitaxaic, qataq ỹataqta sailaua'aguelo, nache sanauane' ca ỹaỹamaqchiguiñi.

2 Crónicas 30:6

Qaq ime, nache jec so namaxashecpi da icoyeguen 'enauac so lma' ye Israel, qataq so lma' ye Judá, ỹachetac aso lere so nta'a qataq so ltauapi, da ỹa'axatec da lamaxasoxonaxac se'eso nta'a qataq so ltauapi, maye 'eeta': «Qami' Israel le'ecpi, qavi'iguelaqaiỹot qome Ñim Nataxala' maye Natamnaxala' so Abraham, Isaac qataq so Israel, yaqto' Ñimaye qami' ỹe'eguelaxagueta, 'enauac qami' maye qami' ỹe't da lhuaqỹaxac ñi nta'a ye Asiria.

1 Reyes 21:8

Qaq asomaye, nache sa naỹaloxon da ỹo'ot aso lere, nanettalec naqa'en so Ajab, qataq itoqoolec aso la'anaxanaqte somaye. Ime, nache ỹamaxa so nqueroxonecpi, qataq so nataxala'pi, som naigui so huaqta'a't nỹecpi maye naigui so lma' so Nabot.

1 Reyes 4:28

Qaq naxa da ivira ye laloqo' da do'onataxan ñi 'oonolec somayepi, nache iroua'a so hueta'a so Salomón, na cebada, qataq na 'auaqpi maye aloq so caipi, qataq so laỹepi nauegaxanaxala'pi.

Ester 8:8

Qaq nagui qami' samaxaleguete da qauauo'oi ca qa'iyiiñi qara'aqtaqui nache nanettalec qanqa'eñi da ỹe'enaxat, cam ỹataqta ỹaỹamaqchiguiñi qanqa'eñi da taalec na judiopi. ¡Nache aca'aca nere, qautoqñiilec aca ỹa'anaxanaqte! Qaq aca nere da huetalec da le'enaxat ca nta'a, qataq da qaitoqootalec aca la'anaxanaqte, nache acamaye saishet da qanlaxaañi.

Daniel 6:8

Qaq ỹoqo'oye nagui 'am nta'a, 'auo'ot qome da la'añaxac yi'iye qalapaxañi, qataq 'ananerelec, yaqto' saishet da qanaralaxat, yaqto' nateeteguet ye nanettañi nqataxac maye lalamaxat ye medos qataq ye persas, da saishet da qanlaxaañi.