Ester 8:1 - La'aqtaqa Ñim Lo'onatac 'Enauacna 2013

¹ Qaq nacheso se'eso na'a'q, da so nta'a Asuero nme naqa'en aso nate'e Ester so lma' so Amán, som ipa'agueetac so judiopi, qaq so Mardoqueo nachaateua'a so nta'a, cha'aye aso Ester mashe ỹa'axat co'ollaxa da maiche ntesoqo' so Mardoqueo.

Toba del Oeste

¹ Nach'ejo jo'me nolo' ca'li joñe'me jaliaĝanec Asuero ya'uo neme jañe'me jaliaĝana joga'me 'lachaqa' ca'li di'me Amam, jo'ne lauteua' naa'me judiopi. Nataq'aen joñe'me Mardoqueo qoyen yec'ata ñe'me jaliaĝanec, qa'a jañe'me Ester joote 'yaĝatem da'me mach'e netejoqo' joñe'me Mardoqueo.

Ester 8:1 Referans Kwoze

Ester 2:7

Qaq so Mardoqueo huo'o co'ollaxa aso lasoshe saploxo, qaq somaye ỹacona co'ollaxa asomaye da ỹaqchet da 'eco' llale, co'ollaq ileu' soua lta'al asomaye. Qaq asomaye le'enaxat Jadasá, qaq da lỹa le'enaxat Ester, qaq asomaye ỹataqta 'onaxai qataq nalochiguiñi da lataxac.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Ester 2:15

Qaq aso Ester, asom llale so Abijaíl, maye ntesoqo' so Mardoqueo, co'ollaq ivita da nachaateua'a so nta'a, nache asomaye nda'a't da ỹache som ỹamaxalec so Jegay, som ỹale maye lpe'et so nta'a, qataq nauaatalec aso 'alpi, qaq aso Ester mashe 'enauac som hueta'a so lma' lta'araic so nta'a, da ỹauotec asomaye.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Ester 7:6

Nache aso Ester, 'enapeco': ¡Qomye ñim qomi' ipa'agueeta'ape qataq qomi' ỹasauaxatta'ape, nacheñi ñi'iñi qauemaic Amán! Qaq so Amán co'ollaq hua'axaỹa de'era, nache ỹataqta sa da'añiigue souaxat da ñi'iỹa so nta'a, qataq aso nate'e.

Proverbios 28:8

Ca lapootasheguem da lsallaxa maye ỹachegoxotaigui ana nsheetenaxanaqte, camaye laỹootasheguem da lsallaxa da yaqto' talec qome ca nqouaguec na choxoraqpi.

Ester 1:14

Qaq soua ỹataqta pa'ata'agueta so nta'a, qalaq nachesoua soua Carsena, Setar, Admata, Tarsis, Meres, Marsena qataq so Memucán, qaq se'esoua siete nachesoua soua ỹataqta 'amaqtaqaiqa ye Persia qataq ye Media, som ỹalectraigui so na'atta'a't ltauapi so nta'a, qataq huetalec da 'amaqtaqaic no'onataxanaxac yi'iye 'alhua.

Ester 8:7

Nache so nta'a Asuero, ỹasateguet aso Ester, qataq so Mardoqueo maye judío, 'eeta': Aỹem mashe sanem añi Ester, ñi lma' so Amán, qaq somaye mashe qaicoñerasheguem, cha'aye somaye huotaique co'ollaxa da ỹalauat na judiopi.