Ester 7:8 - La'aqtaqa Ñim Lo'onatac 'Enauacna 2013

⁸ Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

Toba del Oeste

⁸ Ca'li ñe'me jaliaĝanec male ca'e joga'me ua'a jana'me la'uo, yitaĝa taue joga'me emec, qama'le yauana ñe'me Amam jo'ne yataqata davi'te jañe'me Ester. Chane'eja ñe'me jaliaĝanec yataqata naqatoĝoden qama'le enaac: «¡Nach'e ena'am ja auate'ca jañe'me jaliaĝana, da'me one'ta jena'me jenjo' mach'e 'yachaqa' nataq'aen jayem auajo'tot!» Qama'le ca'li gaa'me coico laje' domachita ga'me 'lalaĝac joñe'me Asuero, paja'a yenoĝodeuo qama'le qoyapadelegue ga'me latajoĝoc ñe'me Amam.

Ester 7:8 Referans Kwoze

Ester 1:6

Qaq so qasoxoc, qalaq huo'o so ỹataqta no'on llo'oxoraxatpi hualoxolaỹipi maye lapagaxaic qataq malaxaraic da lo'oxoỹaxac, qaq somayepi huo'o so lquetpi chegaqaigui so lino maye naueralec da lo'oxoỹaxac, qaq somaye tachiviiguilo qanqa'en soua lauaco maye chegaqaigui so lcat plata, qataq nache ncoñettaua'alo soua nhuoqtel maye chegaqaigui so coma' mármol. Nataqa'en qaỹauo'o aso no'on so'onaxaquipi maye nda'a't oro, qataq so lcat plata, qataq so napiaxala' maye lo'oxonaxat so no'on coma' maye le'enaxat nácar, qataq so mármol maye lapagaxaic qataq so lairaxaic.

Ester 6:12

Qaq co'ollaq ime da qaiqueuoxootapigui' so Mardoqueo, nache ỹe'eguelaxaua'a so lasom so nma' lta'araic, qaq so Amán qalaq ỹataqta iỹalapigui' da taỹa so lma', qaq ỹataqta daquicota qataq ỹapotalec na lashec.

Isaías 22:17

Ñim Nataxala' 'am ỹasaxauga qome ca ỹataqta qaỹoqta, 'eeta'am ca ỹale maye ỹataqta 'añaxaic. Nache 'am ỹaconeua'a qome, 'am irolec da la'añaxac,

Da na'aqtaguec so Job 9:24

Qaq Ñimaye ỹanem da yaqto' na qauemaicpi ỹacona na lma' na huetalec ana 'alhua, qataq ỹaxachiguilo naua la'ai'te na aloico lo'o', yaqto' saishet da nmit damaye, qaq Ñimaye da saishet da ỹo'ot de'era, qaq ¿chaq negue'ttoxo' ca lỹa ishet da ỹo'ot de'era?

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Marcos 14:65

Huaña, nache huo'o na nqaigoqot So Jesús, qataq huo'o na ỹaxachigui na lashec Somaye, nache iuaxaatac, qataq 'eetega, 'eeta': «¡Ña 'aua'axat, chaq negue't na 'am iuaxaatac!» Nache so huataxanaqpi maye ilotague' aso no'onaxanaxaqui late'erai somayepi pa'aiguet da iuaxaatac So Jesús, iuaxaatapoigui na lashec.

Ester 1:5

qaq co'ollaq ime somaye, nache so nta'a qaltaq ỹo'ot so lỹa nquia'axac qataq so na'ashaxac, nache ivi' siete na'axa'te soua huaiguilo, huaña naqa'en so nanaxanaqa' maye huaqta'ai' so lma' lta'araic. Qaq 'enauac so lma' so huaqta'a't nỹecpi ye Susa, som 'amaqtaqaicpi qataq 'enauac som saqallegueme da la'amaqchec, 'enauac da qaicoyeguen co'ollaxa.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Amós 3:12

Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»