Ester 7:7 - La'aqtaqa Ñim Lo'onatac 'Enauacna 2013

⁷ Nache so Asuero ñisheguem, ỹataqta nlaqchigui da lalemataic, nache ca'ai so huaña so nquia'axac, nache tauga so nanaxanaqa' se'eso nma' lta'araic. Qalaxaye so Amán, co'ollaq ỹauatton da so nta'a mashe lhuennataxac da ỹaneguet da nleuaxa somaye, nache somaye no'onañi da yaqto' nachoxonnot aso Ester da nca'alaxatec somaye.

Toba del Oeste

⁷ Joñe'me Asuero male ñejeguem, ca'e joga'me niqui'yaĝala' da'me yataqata dalemata, qama'le yec'ata jodi'me dajoya'ya ga'me nejaliaĝaiqui jo'ne uapega jana'me la'uo jaga'me nana, qaedi 'nemaqapiñe da'me lalemataic. Qalaĝaja ñe'me Amam yataqata yayaten ca'li da'me jaliaĝanec jetaque yalat, qama'le ch'e netaue joga'me emec qaedi nachoĝodenot jañe'me jaliaĝana Ester qaedi nec'alaĝategue.

Ester 7:7 Referans Kwoze

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Ester 1:12

Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Proverbios 14:19

Na qauemaicpi qalaq ỹa'aroto naua l-llecte na soxoraicpi, qaq na qauem da lataxac qalaq nachoxoreetacot qataq hueta'a ca nasom na no'on da lataxac.

Salmos 112:10

Qaq ca qauemaic da ila'a de'era nache dalemata, nache inaga't naua lhue qalaxaye taỹa'a da imeuo. Qataq da lqopitaxanaqtaic na qauemaicpi taỹa'a da imeuo.

1 Samuel 25:17

Qalaxaye ñim 'arhua, ye ỹataqta qauem da lataxac, qataq saishet da qaitaxaỹot, qaq 'onaxaic qome da 'auo'ot ca 'auataxaateuga de'era, cha'aye so David mashe lhuennataxa da iloquiaxan ñim qana'aco' qataq 'enauac na lauo' le'ecpi.

1 Samuel 20:9

Qalaxaye so Jonatán 'enapeco': ¡Saishet da 'arhuennataxac de'era! Aỹem qom saỹaten da ñi ita'a ỹoqta 'eesa da huotaique da 'am ỹalauat, nache 'am sa'aqtaxanem qome.

1 Samuel 20:7

Qaq qom saishet da dalemata, nache aỹem samachiguiñi qome. Qaq da huo'otaq dalemata, nache 'am 'auaỹateeta da ỹoqta huotaique da aỹem ỹalauat.

Ester 1:5

qaq co'ollaq ime somaye, nache so nta'a qaltaq ỹo'ot so lỹa nquia'axac qataq so na'ashaxac, nache ivi' siete na'axa'te soua huaiguilo, huaña naqa'en so nanaxanaqa' maye huaqta'ai' so lma' lta'araic. Qaq 'enauac so lma' so huaqta'a't nỹecpi ye Susa, som 'amaqtaqaicpi qataq 'enauac som saqallegueme da la'amaqchec, 'enauac da qaicoyeguen co'ollaxa.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

Proverbios 16:14

Da lalemataic ca nta'a ỹa'axata'a da nleuaxa, qalaxaye naua la'aqtaqa ca ỹaanaxanaxaic ishet da nmanaqchet camaye.