Ester 7:4 - La'aqtaqa Ñim Lo'onatac 'Enauacna 2013

⁴ cha'aye na ihuo' le'ecpi qataq aỹem, qomi' qaime'n da yaqto' imauec da qomi' qailaxachiguilo. Taxa da qomi' qaime'n da yaqto' qomi' nlataqa, nache qaica taxa ca ỹa'aqtac, cha'aye ñim qomi' ipa'agueeta'ape, saishet taxa da na'axat da 'aro'onataxanaxac 'am nta'a.

Toba del Oeste

⁴ Qa'a joote qoya'uo lajo'vi jena'me qanejiyaĝauayaĝac, chayovida'a da'me yataqata jetaque qo'mi qoyapalaĝa't qaedi male qo'mi qayaua. Ta'le nach'edata da'me jetaque qo'mi qoyeme'n, uotaĝa jetaque qo'mi ne'uaqa, qama'le je'emaqata nataq'aen ja am 'te jeloiquiaĝan, am jaliaĝanec, ta'le am ja'aĝatem joga'me qaya'te chiyaqayi.»

Ester 7:4 Referans Kwoze

Ester 3:9

Qaq ỹoqo'oye 'am nta'a, da 'auaỹamaxareeta de'era, nache iuen da 'aua'axatec cam 'alapaxañi lataxac da 'auamaxasoxoolec da nmichiguiñi qanqa'en da qaỹalauat namayepi, qaq aỹem sanem qome na 'aramaxashecpi aca trecientos treinta mil kilos na lcat plata, da yaqto' ỹaneua'a añi laỹe' ana 'om 'am nta'a.

Deuteronómio 28:68

Qaq na'aictaxa Ñim Nataxala' da 'am ỹachaxanapecot co'ollaxa da saishet da qaltaq 'avi'eguelaqtegue so nqa'aic da 'aigue da Egipto, qalaxaye Ñimaye 'am ỹe'eguelaxategue qome damaye, qonetangui naqa'en aca notaxaqui maye quiguingui na 'etaxat, qaq huaña qome yemaye nache 'am imenot ca 'ampa'aguenaxauapi, qalaxaye qaica qome ca 'am desheenaxana.

Ester 3:13

qaq ime nache qaỹamaq, huapegue' qanqa'en som na'axaỹaxac lo'opi, da qaỹamaxa 'enauac so 'alhuapi maye ilotague' so nta'a. Qaq asomaye huetalec da namaxasoxonaxac da huaigui qanqa'en ca 'oonolec na'a'q da qaỹalauat 'enauac so judiopi, nsoxoppiolec, ỹa'axaiquipi, ñaqpiolec qataq 'alpi, nache qaỹacona 'enauac so lalamaxatpi somayepi. Qaq som na'a'q maye qoỹecchigui, nacheso so na'a'q trece so ca'agoxoic doce, som ca'agoxoic maye le'enaxat Adar.

Ester 8:11

Qaq asomaye nache huetalec da la'aqtac so nta'a da ỹamaxalec so judiopi, da laỹona't maicheye cam hueta'a som huaqta'a't nỹecpi maye ỹotta'a't naua nañalo, da yaqto' npaxaalec da maiche nachaalataxac, qataq ỹalauat, ilaxachigui, nmichiguiñi naqa'en, qataq deuotaxanec nam logoxoshetpi cam shiỹaxauapi maye na'atchiguiñi na lo'ogoxonaxatpi, maye hueta'a ca camachaqca nam 'alhuapi da iloquiaxan somayepi, qataq saishet da huo'o ca naigui naqa'en na 'alpi qataq na ñaqpiolec.

Amós 2:6

Qaq Ñim Nataxala', 'eeta': Na Israel le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye imen co'ollaxa nam no'on da lataxac nache ỹataqta saq 'amaqtaq ana lasheue plata, qataq da imen na choxoraqpi, qalaq 'eeta'am da lashiichiỹaxac ca pela'.

Joel 3:6

qataq qaumiñi na Judá le'ecpi, qataq na Jerusalén le'ecpi, nache l-latacpi qanqa'eñi na griegopi nache ca'ai qanqa'aiñi na na'alhua.

Ester 7:6

Nache aso Ester, 'enapeco': ¡Qomye ñim qomi' ipa'agueeta'ape qataq qomi' ỹasauaxatta'ape, nacheñi ñi'iñi qauemaic Amán! Qaq so Amán co'ollaq hua'axaỹa de'era, nache ỹataqta sa da'añiigue souaxat da ñi'iỹa so nta'a, qataq aso nate'e.

Nehemías 5:5

Nataqa'en namayepi 'enapec: Cha'aye ỹoqta 'eesa da maiche qomi' nhuo' le'ecpi, qaq ỹoqo'oye na qoyalaqpi nache 'eeta'am na qaỹa'alquipi. Qaq ta'ainco' da nache qomaqta da semenaq na qoyalaqpi ỹalleppi, qataq 'alpi da yaqto' qaỹauo'o nlatacpi. Qataq saseshetaq da ñe'eguelaxataxala't, cha'aye na qana'alhua qataq na qorañiguishe uva lma' mashe lalamaxat na ỹaqa'a.

1 Samuel 22:23

Qalaxaye saishet qome da 'añi'i, nache qoueta'a na soota'a, cha'aye saishet da huo'o ca 'am ỹe'egueeta'a. Qaq da huo'o ca huotaique da 'am ỹalauat, qalaq hua'auñi qome da aỹem ỹalauat.

Josué 9:23

Qaq souaxat de'era, nache chegoqchiguiña nagui da qami' taleguete ca qauem, ỹoqo'oye nache 'eetai' qome da choche qami' nlataqa. Nache qauquesoqoitapigui qome na qo'oipaq qataq qanỹoqoitapegueua'a na 'etaxat ñi nma' maye lalamaxat Ñim Ñatamnaxala'.»

Lucas 12:45

Qalaxaye que'eca namaxashec da huo'otaq 'enapec: «Ca ña'aco' ỹataqta qaỹaloqteguet», nache jec da iuaxaatac ca laỹepi namaxashecpi qataq aca namaxashepi, ime, qaq cot da lquia'axac qataq da nỹomaxac qataq da ltaxa.

Ester 7:5

Nache so Asuero denataxan, 'eeta': ¿Negue't camaxa, qataq hua'ague ca neta'ague cam huotaique da ỹo'ot de'era maye ỹataqta lta'araic?

Ester 8:6

Cha'aye ¿ca 'eeteco' da ishet da ñala'aguet dam qauem maye huotaique da talec na ihuo' le'ecpi, qataq da qanmatchiguiñi nam ỹalamaxat iqaỹañecpi?

Ester 9:25

qalaxaye aso Ester, co'ollaq nachaateua'a so nta'a, nache so nta'a ỹeyiñi so lamaxasoxonaxac, da 'enauac nam qauem lhuennataxacpi so Amán, da huotaique ỹo'otec so judiopi, da maiche talec so Amán. Qaq 'era da 'eetec da so Amán, qataq soua llalqa da qaicoñeldasheguemec co'ollaxa aso 'epaq.

Daniel 6:2

Qaq ỹauo'oi soua tres da yaqto' ilo'ogue somayepi, da yaqto' nauaatalec da lo'onataxanaxac so nta'alpi, da yaqto' saishet da talec ca qauem so nta'a. Qaq so 'oonolec soomaye, nacheso so Daniel,