Ester 7:3 - La'aqtaqa Ñim Lo'onatac 'Enauacna 2013

³ Nache aso Ester ỹasat, 'eeta': 'Am nta'a, da aỹem 'auauotec, qataq da 'auaỹamaxareeta, nache 'oonolec da sheetapeguec qataq seỹaxaategueua'a 'am nta'a, aỹem 'anca'alaxatec, qataq nam ihuo' le'ecpi,

Toba del Oeste

³ Ester male 'yateguet: «Am jaliaĝanec, qom eja yataqata jayem a'uamaqaten, qom naq'aeta da'me adelnataĝac, male am ñachoĝodenot qaedi qo'mi anec'alaĝatedegue, da'me jayem nataq'aen jogaa'me yaqaya'olqa.

Ester 7:3 Referans Kwoze

Jeremías 38:26

Qalaxaye 'am qome nacherata da 'aua'axatem namayepi da aỹem 'auanaua'a da aỹem 'anachoxonnot da saishet da qaltaq 'am samaxa ye lma' so Jonatán, da yaqto' saishet da 'aleuaña yemaye.

Da na'aqtaguec so Job 2:4

Qalaxaye so Pa'aguenataxanaxaic, 'eeta': «Qomye da saxanaxa da qaipoteua'a da lo'ocỹaxac ñi 'oonolec, nache 'enauac qaica cara. Qataq qaica ca iteetega, cha'aye huotaique da nca'alaxatec da maiche nachaalataxac.

Ester 7:7

Nache so Asuero ñisheguem, ỹataqta nlaqchigui da lalemataic, nache ca'ai so huaña so nquia'axac, nache tauga so nanaxanaqa' se'eso nma' lta'araic. Qalaxaye so Amán, co'ollaq ỹauatton da so nta'a mashe lhuennataxac da ỹaneguet da nleuaxa somaye, nache somaye no'onañi da yaqto' nachoxonnot aso Ester da nca'alaxatec somaye.

Ester 4:8

Nataqa'en ỹanem aso lmalate so nerec maye huetalec so namaxasoxonaxac da qanmatchiguiñi da qaỹalauat so judiopi, qataq mashe qaỹa'axatec huaña ye Susa, da yaqto' somaye ỹanem aso Ester, yaqto' asomaye nataqa'en ỹaỹaten 'enauac de'era. Qaq nataqa'en ỹamaxaua'a so la'aqtac aso Ester da nma'ai' da detaxaỹapegue' so nta'a, nache nachoxonnot da ỹauo'o ca lataxac da nca'alaxatec so lauo' le'ecpi asomaye.

2 Reyes 1:13

Nache so nta'a qaltaq ỹe'eguelaxalec da ỹamaq so lỹa huataxanaq lta'a, qataq so cincuenta alleppi. Qalaxaye se'eso huataxanaq lta'a, co'ollaq tasheguema so netaña so Elías, nache ỹa'aroto naua l-llectel, qataq nachoxoreetot, 'eeta': 'Am na'aqtaxanaxanec, ñaq aỹem 'auchoxoren taxa, nache qaica ca qona'ac da ñachaalataxac, qataq da nachaalataxac ne'ena cincuenta 'aramaxashecpi.

1 Reyes 20:31

Nache so lamaxashecpi somaye, 'enapeco': «Saỹatenaq da na nta'alpi Israel le'ecpi, ỹataqta choxonnataxanaxaicpi. Ỹoqo'oye sanaxañi qome na sansatta nogoxot, qataq secoñeraqot na qarqosot ca nañec, nache ñeqo'onaxa ca lta'a na Israel le'ecpi, shapegueto' qom 'am ichoxoren, nache 'am nca'alaxattauec.»

Ester 5:8

'Am nta'a, da aỹem 'auauotec, qataq da 'auasateguet dam sheetapeguec, qataq da aỹem 'aỹa'anem cam seỹaxaategueua'a, nache 'auanaỹa qonte' cam nquia'axac maye so'ot da 'am sho'oxoren, 'annaictague' qome so Amán. Qaq huaña qome nache so'ot cam 'auỹaxaatapegueua'a 'am nta'a.

Ester 8:5

nache, 'eeta': 'Am nta'a, da 'auaỹamaxareeta qataq da ỹaỹamaqchiguiñi 'anqa'en da iquiquiaxac, qataq da ỹataqta 'eesa 'am nta'a da aỹem 'auauotec, qataq aỹem 'anqopita, nache no'on qome da qoỹiyiñi ca namaxasoxonaxac da qanlaxaañi aso nereguishepi maye ỹamaq co'ollaxa so Amán, asom huetalec da qanmatchiguiñi na judiopi maye netalec nam 'alhuapi maye 'aulotague'.