Ester 6:6 - La'aqtaqa Ñim Lo'onatac 'Enauacna 2013

⁶ Nache so Amán pa'auo, nache so nta'a inat somaye, 'eeta': ¿Negue't cam qaỹo'otec cam shiỹaxaua maye na nta'a huotaique da ỹo'oxoren? Nache so Amán ipa'axaatauo da lhuennataxac, maye 'eeta': ¿Negue'tom ca lỹa ỹo'oxoren ñim nta'a, ye nachaỹemta?

Toba del Oeste

⁶ Male nenoĝoneuo ñe'me Amam, qama'le ñe'me jaliaĝanec yenat: «¿Jach'e jogamaĝa janem ga'me jiyaĝaua qaedi 'ñonaĝachigui?» Amam paja'a lelnataĝac da'me naqaeñe da'me uenate'ta ñe'me jaliaĝanec.

Ester 6:6 Referans Kwoze

Abdías 1:3

Qaq dam 'ana'amqaanaxac, ỹataqta 'am ỹatenachet. 'Am maye qonetaigui nam lpoxoỹaxapi ana coma'pi, qataq qonetasheguema nam qaỹoqotcheguemapi, ỹoqo'oye 'aupi'itaxaatega da qaica ca ishet da 'am iqalagoxotec.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Jeremías 32:41

Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Proverbios 18:12

Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Salmos 35:27

Qalaxaye machiguiñi qome qataq ỹa'alaqtai' da ntonaxac nam ỹayeeta'a da aỹem ỹauaachigui da soxonaxan, qataq ỹe'eguelaxattalec da 'eeta': «¡Ñim Nataxala' ỹataqta 'amaqtaqaic, qataq ỹaỹamaxareeta da l-lagaxayec ne'ena lamaxashec!»

Ester 6:11

Nache so Amán ỹacona aso mpoto, qataq ỹaconeua'a so caaỹo, nache no'otaxanaxan so Mardoqueo, nache ỹaueca'aguet so caaỹo da iconnaxaateguelec so nlagaqa' se'eso huaqta'a't nỹecpi, qataq hua'auta nache ỹa'alaqtalec somaye, 'eeta': «¡'Era da qoỹeetec ca shiỹaxaua maye ñi nta'a ỹanem da la'amaqchec!»

Ester 6:9

Qaq aca'aca mpoto qataq ca caaỹo, iuen da qoỹanem cam ỹataqta 'amaqtaqaic na 'aramaxashecpi, da yaqto' nacheca cam huapegue' da no'otaxanaxan que'eca ỹale, maye huotaique da 'aỹa'anem da la'amaqchec, qataq nache ỹauecta'aguet que'eca caaỹo maye netalec camaye, da coleeteguelec naqa'en ye nlagaqa' maye nangui na laiñi na huaqta'a't nỹecpi, nache ỹa'alaqtalec camaye, 'eeta': ¡'Era da qoỹeetec cam shiỹaxaua maye ñi nta'a huotaique da ỹanem da la'amaqchec!

Ester 6:7

Qaq ime nache ỹasat, 'eeta': Que'eca ỹale

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

Proverbios 30:13

Qataq huo'o na ipi'itaxaatega da huo'o naq 'enec, nache ỹataqta na'amaqten da ilota'a ca lỹa.

Ester 6:5

Nache so ltauapi somaye ỹasat, 'eeta': ¡Qomye Amán! Nache so nta'a, 'enapeco': ¡Ñaq qampa'axañeeuo!

Ester 1:15

Nache so nta'a ina't soomaye, 'eeta': Da yaqto' ipacchigui na nqataxacpi, ¿negue't ca iuen da qaỹo'otec aso nate'e Vasti, cha'aye asomaye saỹalaxaguet som ỹamaxasoxonaxac maye sanem, chegoqchiguilo ñaqa'en soua ỹamaxa'she?

Lucas 14:9

Nache cam 'am icoyegue'n ishet da anac, nache 'am 'enapega, 'eeta': «Ñaq 'aỹa'anem ana 'anso'onaxaqui de'era 'arỹa.» Huaña, nache 'am huo'o da 'ara'aloxo da 'anso'ongui aca pa'atec so'onaxaqui.