Ester 6:4 - La'aqtaqa Ñim Lo'onatac 'Enauacna 2013

⁴ Qaq so Amán mashe huenoxoneua'a so qasoxoc maye dataỹauga so ỹaqauga lma' so nta'a, da yaqto' dequiguiỹaua'a so Mardoqueo da qaicoñerasheguemec aso 'epaq maye damaxasoxoolec co'ollaxa somaye da qaiqataxanai'. Nache so nta'a denataxan, 'eeta': ¿Negue't dam coleetac ye qasoxoc?

Toba del Oeste

⁴ Mate naloja'a da'me yenoĝoneuo joñe'me Amam, qa'a yelotaque ñe'me jaliaĝanec qaedi dojapegue' da'me jetaque yecoñedajeguem ñe'me Mardoqueo, qa'a joote 'uo jaga'me 'lonata. Qama'le ñe'me Asuero denataĝan: «¿Jach'e joga'me que'tague jona'me nojo'?»

Ester 6:4 Referans Kwoze

Ester 5:14

Qaq huaña nache aso lhua somaye, qataq 'enauac so nauochaxauapi, 'enapega somaye, 'eeta': 'Auamaxasoxoolec da qaỹa'ayiñi aca 'epaq maye ivi' veintidós metros ye lshequitcheguema, qaq qonte' nte'eta, nache 'auỹaxanot ñi nta'a da qaicoñerasheguemec acamaye so Mardoqueo, yaqto' qom 'anqo'ona ca nquia'axac da 'annaicapegue' ñi nta'a, nache qaica cam tatapigui 'arhuel. Qaq de'era nhuennataxac, ỹataqta ỹaỹamaxareeta so Amán, nache damaxasoxoolec da qaỹa'ayiñi aso 'epaq.

Ester 4:11

«'Enauac na do'onataxaatacot ñi nta'a, qataq nam shiỹaxauapi maye netalec na 'alhuapi maye ilotague' ñimaye, ỹaỹaten da huo'o dam nqataxac da qaỹalauat ca ỹale, huo'otaq aca 'alo da taua'a ye nqasoxoc pa'aỹauo ñi lma' lta'araic ñi nta'a, da yaqto' nauane' ñimaye, qataq da saishet da iỹaxaneuga ñimaye, nacherata da ñi nta'a ỹaneuga aso lashelte oro que'eca shiỹaxaua, maye la'anaxat da ichoxoren, qataq nca'alaxatec. Qaq aỹem ye mashe ivittre'c soua treinta na'axa'te, da saishet da aỹem nỹaxaneuga ñi nta'a.»

Salmos 2:4

Qaq Ñim neto'ot na piguem choche lashetac qome, Ñim Nataxala' qalaq ỹe'enai' qome namayepi.

Ester 5:1

Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Salmos 33:19

da yaqto' nca'alaxateeguesop namayepi da nleuaxa, qataq ỹanem da lca'alaxa da ivita da huo'o na nqouaxa.

Da na'aqtaguec so Job 5:13

Ñimaye que'emaxam naqa'en ca ỹo'ot cam sanqalaate' da ỹo'ot na qauemsat, qataq ỹo'otec da saishet da ipaiguilo naua qauema maye huotaique da ỹo'o't.

Ester 7:9

Qaq so lamaxashecpi so nta'a, huo'o so le'enaxat Harboná, somaye, 'eeta': Ye lma' ñi Amán huo'o ara lhuotta 'epaq, maye ivi' veintidós metros ye lshequitcheguema, maye ñimaye iqataxanai' co'ollaxa da huotaique qaicoñerasheguemec so Mardoqueo, som ỹale maye ỹataqta no'oñi naua ltaxaỹaxaco maye 'am ỹanema, 'am nta'a. Nache so nta'a 'enapeco': ¡Hua', damaye qaucoñiyasheguemec qome acamaye!

Ester 6:3

Qaq huaña nache so nta'a denataxan, 'eeta': ¿Negue't ca nsheetenaguec, qataq ca llo'oxoyec maye qoỹanem so Mardoqueo, co'ollaq ỹo'ot de'era? Nache ỹasat som ltauapi somaye, 'eeta': ¡Qomye qaica!

Ester 6:5

Nache so ltauapi somaye ỹasat, 'eeta': ¡Qomye Amán! Nache so nta'a, 'enapeco': ¡Ñaq qampa'axañeeuo!