Ester 6:13 - La'aqtaqa Ñim Lo'onatac 'Enauacna 2013

¹³ Qaq huaña so lma' nache da'aqtaxaateguem aso lhua, qataq so nauochaxauapi 'enauac dam huaigui somaye, nache somayepi 'enapega somaye, 'eeta': Ñi'iñi Mardoqueo, ñim huo'omshe deqat da 'ara'amaqchec, ñimaye da judío, nache saishet da 'auañoxot da 'anauec, maye nacherata da ñimaye taỹa'a da imauec da 'am nauec.

Toba del Oeste

¹³ Ca'li yovita ga'me 'lachaqa', t'aqataĝanem jañe'me loua nataq'aen jogaa'me naigaĝa'u joga'me 'uo ca'li. Chane'eja jañe'me loua nataq'aen gaa'me naigaĝa'u yitaĝa dojedapegue', enaa'j: «Ñe'me Mardoqueo male am napacalegue, qa'a eja da'me chiyoĝogueta ga'me judiopi, qama'le ja auaqanatet ta'le anomat, dite da'me yemta na'taquena ga'me nolo' qom yataqata am qonaqat.»

Ester 6:13 Referans Kwoze

Proverbios 28:18

Ca ỹale ỹo'oxoraic camaye ishet da nca'alec, qaq ca 'etaxaloxoic qalaq taỹa'a da lachoxoyec.

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Génesis 41:8

Qalaxaye so nte'etom so lỹa na'a'q nache so faraón ỹataqta lta'araic da lhuogoxo, nache damaxasoxoneuga da qanauegueuo 'enauac som ilaviigui na lỹa, qataq so ỹaanaxanaxaicpi maye lma' ye Egipto. Qaq huaña nache so faraón da'aqtaxanem somayepi soua lchoxonaxaco, qalaxaye somayepi qaica ca ishet da ỹa'axat ca naigui.

Génesis 40:19

qaq qom inoxoorec caua tres na'axa'te, nache ñi faraón qaltaq nmit qome so 'arasouaxashet, qaq qom ime, nache 'am damaxasoxoolec da 'am qaicoñerasheguemec aca qo'oipaq, nache anac qome na maỹopi da chec na 'arapat.»

Daniel 2:12

Qaq so nta'a, co'ollaq hua'axaỹa de'era, nache ỹataqta dalemata, nache damaxasoxoolec da qaỹalauat 'enauac so ỹaanaxanaxaicpi ye Babilonia.

Da na'aqtaguec so Job 16:2

«¡Aỹem mashe qalota da sa'aqchigui na 'eeta'am ne'enapi! ¡Qaq qami' ỹataqta qaica da aỹem qaua'añaqchichi nda'a't da aỹem qaucolanaqchichi!

Da na'aqtaguec so Job 15:24

Nache nque'etaxangui da ỹataqta lta'araic lcolanaxa, 'eeta'am ca nta'a da yaqta'a da qailoquiaxan.

Génesis 24:66

Nache som namaxashec da'aqtaxaatapeguem so Isaac, 'enauac nam ỹo'otpi somaye, de'era llecỹaxac.

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Salmos 105:15

«Saishet da qaupocheeua'a na lleca'aguishecpi, qataq saishet da qauo'ochec ca qauem na ỹa'aqtaxanaxanecpi.»

Zacarías 2:12

Qaq Ñim Nataxala' qaltaq ỹe'eguelaxa qome da lalamaxat na Judá, maye huetaigui nam qui'itta 'alhua, qataq ỹe'eguelaxalec nataqa'en da ỹa'axatec da ye Jerusalén nacheye ye lca'aguishec.