Ester 6:12 - La'aqtaqa Ñim Lo'onatac 'Enauacna 2013

¹² Qaq co'ollaq ime da qaiqueuoxootapigui' so Mardoqueo, nache ỹe'eguelaxaua'a so lasom so nma' lta'araic, qaq so Amán qalaq ỹataqta iỹalapigui' da taỹa so lma', qaq ỹataqta daquicota qataq ỹapotalec na lashec.

Toba del Oeste

¹² Yem jena'me jenjo', qama'le Mardoqueo 'viyelaĝa joga'me qotayapegoue joga'me nejaliaĝaiqui. Joñe'me Amam qamqa'me yataqata totelegue, qama'le paja'a queuo ca'li, yataqata nepocoq, ja yaloĝon joga'me latajoĝoc.

Ester 6:12 Referans Kwoze

2 Samuel 15:30

Qaq so David, tasheguema aso qasoxonaxa maye lma' ana Olivo, nache nỹeetague', ỹapotalec na lqaic qataq qaicaua caua lapela'ate, souaxat da nqui'ic. Qataq 'enauac so nnaictague'pi somaye da tasheguema na pa'asheguem nataqa'en nỹeetagui, qataq ỹapotalec na lqaic.

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.

Da na'aqtaguec so Job 9:24

Qaq Ñimaye ỹanem da yaqto' na qauemaicpi ỹacona na lma' na huetalec ana 'alhua, qataq ỹaxachiguilo naua la'ai'te na aloico lo'o', yaqto' saishet da nmit damaye, qaq Ñimaye da saishet da ỹo'ot de'era, qaq ¿chaq negue'ttoxo' ca lỹa ishet da ỹo'ot de'era?

Ester 7:8

Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

Ester 2:19

Qaq soua na'axa'te co'ollaq so qa'ampi, qaỹauega so lỹa nỹec maye naigui so lma' lta'araic som 'alpi, nache so Mardoqueo nso'ootañi hueta'a so lasom so lma' lta'araic so nta'a.

2 Crónicas 26:20

Qaq so Azarías maye lataxala' so ntaxaỹaxanaxanecpi, qataq 'enauac som laỹepi ntaxaỹaxanaxanecpi co'ollaq ỹamato'ot somaye, nache ila'a da nasheguem so lepra na latap, nache sa ỹaỹaloxon da nqateeguesop yem hueta'a, qataq somaye nache sanaỹaloxon da pa'auec, cha'aye Ñim Nataxala' mashe ique'emaqchet somaye.

1 Reyes 20:43

Ime, nache so nta'a jec, taỹa ye Samaria, qalaxaye dalemata, qataq daquico.

2 Samuel 17:23

Qaq so Ajitofel co'ollaq ila'a, da so Absalón saishet da ỹo'ot da la'aqtac somaye. Nache lapaxalec so lauala' so lalo 'ashena nache jec, taỹa so lma' maye lañoqo' co'ollaxa. Qaq co'ollaq ime da naỹamaxate' so lalamaxat lauo' le'ecpi, nache icoñerot na lqosot da maiche nalaala't. Qaq 'era da 'eetec da l-leuaxa somaye, nache qailaroigui aso nhuachiqui so lta'a.

1 Samuel 3:15

Qaq co'ollaq ime de'era, nache so Samuel ỹe'eguelaxañi da nnaañi, nache ivitta'a so mashe yo'oxoñi nache ñisheguem, nache ỹauatoiguilo soua laso'omi aso atamnaxaqui, qalaxaye saishet da da'aqtaxanem so Elí som lauanaqchec somaye.

Ester 6:11

Nache so Amán ỹacona aso mpoto, qataq ỹaconeua'a so caaỹo, nache no'otaxanaxan so Mardoqueo, nache ỹaueca'aguet so caaỹo da iconnaxaateguelec so nlagaqa' se'eso huaqta'a't nỹecpi, qataq hua'auta nache ỹa'alaqtalec somaye, 'eeta': «¡'Era da qoỹeetec ca shiỹaxaua maye ñi nta'a ỹanem da la'amaqchec!»

1 Reyes 21:6

Nache so Ajab 'enapeco': Qomye setaqtague' so Nabot, maye lma' ye Jezrel, nache sequictacot da aỹem imenot ye lanaxanaqa' uva lma', huo'otaq da nshetaique da naiguet ñaqa'en ca lỹa 'alhua yemaye, nache sanem. Qalaxaye somaye 'eeta': «Saishet da 'am sanem.»