Ester 6:11 - La'aqtaqa Ñim Lo'onatac 'Enauacna 2013

¹¹ Nache so Amán ỹacona aso mpoto, qataq ỹaconeua'a so caaỹo, nache no'otaxanaxan so Mardoqueo, nache ỹaueca'aguet so caaỹo da iconnaxaateguelec so nlagaqa' se'eso huaqta'a't nỹecpi, qataq hua'auta nache ỹa'alaqtalec somaye, 'eeta': «¡'Era da qoỹeetec ca shiỹaxaua maye ñi nta'a ỹanem da la'amaqchec!»

Toba del Oeste

¹¹ Qama'le Amam yacona joga'me lapoto ñe'me jaliaĝanec qama'le yanaye ñe'me Mardoqueo. Yem qama'le yanalegue joga'me pegaq, nataq'aen en quetaye di'me noic. Joñe'me Amam netenec da'me dojetac: «Naq'aeta da'me 'lonataĝanaĝac ñe'me jaliaĝanec da'me 'yetec joga'me jiyaĝaua jo'ne yataqata 'yamaqaten.»

Ester 6:11 Referans Kwoze

Lucas 1:52

Deuotaxanec da lo'onataxanaxac na 'añaxaicpi, ime, nache ỹanem da la'añaxac na choxoraqpi.

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Isaías 60:14

Nam llalaqpi na 'am ipataqta'a't co'ollaxa, qalaq 'am naỹa qome da yaqto' 'am nmanot, qataq 'enauac na 'am ỹo'otaatac co'ollaxa 'am ỹa'aroto qome naua l-llecte, nache da 'am detaxaỹa qome qalaq, 'eeta': ‹Nỹecpi maye lalamaxat Ñim Nataxala'›, ‹Sión maye lalamaxat Ñim Qui'itta Natamnaxala' na Israel le'ecpi.›

Ester 9:3

Qaq 'enauac so nataxala'pi maye ilotague' so 'alhuapi, qataq so nta'alpi maye ilotague' so saq 'amaqtaq 'alhuapi, qataq so ltauapi so nta'a, qataq som huetalec da 'amaqtaqaic no'onataxanaxac maye do'onataxaatacot so nta'a, somayepi itauaatac so judiopi souaxat da ñe'etega so Mardoqueo,

Ester 8:15

Qaq so Mardoqueo pa'auec co'ollaxa chegoqtoigui so lma' lta'araic so nta'a, ỹaatañi aso lapoto da nta'a, maye malaxarai qataq lapagaxai da lo'oxoỹaxac, qataq aso late'erai naro'o maye oro, qataq so lapo' maye chegaqaigui so lino, qataq so togaxaraic da lo'oxoỹaxac. Nache 'enauac so shiỹaxauapi maye hueta'a so huaqta'a't nỹecpi ye Susa, ỹataqta ỹa'alaqtagui souaxat da ntonaxac,

Esdras 6:13

Huaña nache so Tatenay, maye ilotague' so 'alhua maye pa'aỹa'ague da avit so tala Éufrates, qataq so Setar, Bosnay qataq so ltauapi somaye, ỹataqta ipacchiguilo naua lamaxasoxonaxaco so nta'a Darío.

Ester 6:10

Qaq huaña nache so nta'a 'enapega so Amán, 'eeta': Hua', ñaq 'auỹalapigui' qome da 'auacona aca mpoto, qataq 'auaconeua'a ca caaỹo, nache ipacchigui 'anqa'en dam qonapec, qaq nache 'auo'otec damaye ñim judío Mardoqueo, maye nso'ootañi netaña ñi lasom ñi nma' lta'araic. Qaq saishet qome da 'oonolec 'anqa'en ca deqaptauec nam qonapecpi.

Ester 6:12

Qaq co'ollaq ime da qaiqueuoxootapigui' so Mardoqueo, nache ỹe'eguelaxaua'a so lasom so nma' lta'araic, qaq so Amán qalaq ỹataqta iỹalapigui' da taỹa so lma', qaq ỹataqta daquicota qataq ỹapotalec na lashec.

Proverbios 27:18

Ca ntela'a aca higo lcheyec camaye chec qome ana ala acamaye, qataq ca ntela'a ca na'aco' camaye huo'o da ño'oxonnataguec.